2 TIMOTEUS 3:5 - BIBEL JAMITA NA DENGGAN

⁵ Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

2 TIMOTEUS 3:5 ပူးပေါင်းရင်းမြစ်များ

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

2 TESSALONIKA 3:14

Betak adong na so ra mangihutkon na hami dok di bagasan surat on, tanda hamu ma halak na songon i jana ulang pardongan hamu halahi anso maila.

2 TESSALONIKA 3:6

Mangasahon kuaso ni Tuhan Jesus Kristus hami paingot ma hamu ale angka dongan, paholang hamu ma dirimunu sian angka dongan na losok, jana na so manangihon pangajaran na hami ajarkon tu hamu.

1 TIMOTEUS 4:7

Padao ma ho sian angka turi-turian na so ture. Gumonan ma pasomal-somal dirimu marhadaulaton tu Debata.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

1 TIMOTEUS 5:8

Muda halak na so paturehon koum sisolkotna, lumobi donganna samudar, na mamorso haporsayaanna do halak na songon i; jumatjat dope i sian halak na so porsaya.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

2 TIMOTEUS 2:16

Padao ma ho sian angka kecet rarat na so marguna jana na so ias. Hum mambaen jahat do angka pangkataion sisongon i.

2 TIMOTEUS 2:23

Ulang ma dohoti angka partongkaran ni angka halak na oto na so umboto sanga aha. Angke diboto ho do i hum na parohon partangkangan do i.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

TITUS 3:10

Sanga ise na patubu bada di parlagutan i angkon paingotonmu do sanoli sanga dua noli; dung i indangkon be sai mardomu ho dohot halakna i.