2 TIMOTEUS 3:3 - BIBEL JAMITA NA DENGGAN

³ Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.

2 TIMOTEUS 3:3 ပူးပေါင်းရင်းမြစ်များ

PAMUNGKAAN 49:7

Hona bura ma halahi di rimasna, hara ni jorbutna. Hona bura ma halahi di rimasna, hara ni kejamna. Paserahonku ma halahi di sude Israel. Sarsarkononku ma halahi, di tonga-tonga ni halak pangisina.

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 22:6

Nada jolma au, tapi goya do, diincahi halak jana dipacia-cia do.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

DANIEL 8:23

Marayak marujung angka harajaan i, jana muda dung gok hajahatan ni angka na jahat, gabe ro ma sada raja sijogal roha, jana na malo paoto-otohon.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

MATEUS 4:1

Dung i ditogu Tondi i ma Jesus tu halongonan, anso diuji Sibolis Ia.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

JOHANNES 6:70

Dialusi Jesus ma tu halahi, “Au do nian mamili hamu na dua bolas halak on. Tapi haru songon i pe gabe songon Sibolis do sahalak sian hamu!”

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

SURAT NI SI PAULUS TU PARLAGUTAN ROM 1:31

na so marroha, na so setia, na so maribo ni roha.

1 KORINTUS 7:5

Ulang ma marsipadaoan halak na saripe, muda so sian tumbuk ni tahi sanga sadia lolotna, anso bisa hamu rap martangiang. Dung i mardomu ma hamu mangulahi, anso unang diuji Sibolis hamu, harana nada tahan hamu marpuaso.

1 KORINTUS 7:9

Tapi anggo inda tartahan hamu pangidoan ni sibukmunu, marbagas ma hamu. Harana dumenggan do hamu marbagas timbang sai gurgur hagiot ni sibukmunu.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

TITUS 1:8

Angkon jop do rohana manjagit tamu di bagasna, na mangkagioti pangalaho na denggan, na malo mangorom dirina, na jujur, ias jana maraturan.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

2 PETRUS 2:19

Dijanjihon angka guru pargabus i ma haluaan di halahi, hape halahi sandiri pe na niparhatoban ni angka hasomalan na mangagohon jolma do – angke sanga ise na nitaluhon ni sanga aha, hatoban ni na manaluhon i do i.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.

HALUMBAAN 13:15

Dipatola do binatang i mangombuskon hosa hangoluan tu bagasan patung i, anso gabe malo mangkobari patung i dohot mamunu sudena halak na so ra marsomba tusia.

HALUMBAAN 13:17

Sahalak pe nada tarbaen manobusi sanga manggadis bagi aha anggo nada adong disia tanda i, i ma goar ni binatang i sandiri sanga nomor ni goarnia.

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.