2 TIMOTEUS 3:16 - BIBEL JAMITA NA DENGGAN

¹⁶ Sudena na tarsurat di Buku Na Badia i na nituturkon ni Debata i, na marguna do i laho mangajarkon na sintong, manggorahon dohot paturehon na sala bope laho mangajari jolma anso mangolu di bagasan hatigoran.

2 TIMOTEUS 3:16 ပူးပေါင်းရင်းမြစ်များ

2 SAMUEL 23:2

Mangkuling do Tondi Ni Tuhan markite-hite au; tona dohot parentaNia sai di bibirku.

NEHEMIA 9:20

Marhite kuasoMu na denggan i, diajar Ho do halahi. Mangan manna halahi jana minum aek tuk disi.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 119:9

Tarjagohon na poso do dirina sian hahodaron, muda diihutkon parentaMu di ngoluna, ale Tuhan.

PODA 15:10

Dokdok do uhuman tu halak na maninggalkon dalan na tutu, jana mate do halak na so tarpaingot.

PODA 15:31

Na bisuk do halak na mangargahon hata gora.

PODA 6:23

Angke songon palito do poda i; jana dalan hangoluan sipaingotna.

MIKA 2:7

Ulang diambang ho na hona bura ni Tuhan halak Israel. Nada unjung salpu sobar ni Tuhan. Nada ra Ia mambaen na songon i. Nada he burju Ia tu angka jolma na tigor pambaenanna?”

ZEPANYA 3:2

Nada ra i manangihon jana nada ra manjagit sipaingot. Nada porsaya tu Tuhan jana nada ra mangido tolong tu Debata.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MATEUS 22:43

“Antong anggo songon i, hara ni aha do umbaen na disosoi Tondi i si Daud laho manggoari Ia songon Tuanna? Angke didok si Daud,

MATEUS 26:54

Tapi muda songon i, dia ma tulus tarjadi na nipaboa ni Buku Na Badia i hian, na angkon tarjadi songon na masa sadari on?”

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

MARKUS 12:24

Dialusi Jesus ma, “Madung lilu hamu hara ni na so diastui hamu Buku Na Badia i dohot kuaso ni Debata.

MARKUS 12:36

Si Daud sandiri, marhite panuturi ni Tondi Parbadia mandok: ‘Madung didok Tuhan i do tu Tuanku: Juguk ma Ho di siamunKu lopus Hubaen sude angka musuMu tunduk tu Ho.’

JOHANNES 10:35

Jana sude hita rap taoku do anggo na tarsurat di Buku Na Badia i, nada tarbaen sundat i. Antong anggo songon i, muda tu angka na manjagit hata ni Debata i, digoari Debata sandiri halahi angka debata,

JOHANNES 3:20

Sude halak sibaen na jahat magigi do i tu na torang; nada ra ia ro tu na torang, angke nada jop rohania haidaan pangalahonia na jahat i.

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.

BAENON NI ANGKA RASUL 18:25

jana na dung diajari do ia laho mananda Dalan Ni Tuhan. Jadi sai marsitutu jana manat do ia mangajari taringot tu Jesus, haru pe hum pandidion ni si Johannes sajo dope na nibotonia.

BAENON NI ANGKA RASUL 20:20

Diboto hamu do, na so pola maralang-alang au mandok sanga aha na marguna tu hamu. Huajari do hamu di tonga-tonga ni halak na bahat sanga pe na di bagas.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

BAENON NI ANGKA RASUL 28:25

Jadi morot be ma halahi sian inganan i marsioban pandapotna be, dung jolo didok si Paulus songon on, “Tutu ma na nidok ni Tondi Parbadia markite-hite Panurirang Jesaya tu angka ompumunu i!

SURAT NI SI PAULUS TU PARLAGUTAN ROM 15:4

Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

SURAT NI SI PAULUS TU PARLAGUTAN ROM 2:20

guru ni halak na oto ma hamu, jana pangajari ni angka na menek. Dihaposi rohamunu do, na diboto hamu do rumang ni sude parbinotoan dohot hasintongan sian Tona i.

SURAT NI SI PAULUS TU PARLAGUTAN ROM 3:2

Tontu bahat do i. Parjolo, harana halahi do hasahatan ni angka hata ni Debata.

SURAT NI SI PAULUS TU PARLAGUTAN ROM 4:23

Nada hum tu si Abraham sajo didok, “Madung dietong i disia,”

1 KORINTUS 12:7

Laho patumbukkon na hasaya di hita sude, markarejo do Tondi Parbadia di ganop hita tapi asing be dalanna.

GALATIA 3:8

Madung diida Buku Na Badia i hian do na dung dilehen Debata dalan anso mardenggan mangulahi angka halak na so Jahudi dohot Debata, muda porsaya halahi tu Debata. Tu si Abraham do parjolo dipaboa Jamita Na Denggan i, di bagasan janji on, “Markite-hite ho, pasupasuon ni Debata ma sandok bangso na di ginjang tano on.”

PANGARATAION 29:29

Adong do sanga na piga pangalaho na nitabunihon ni Tuhan Debatanta; tapi anggo UhumNia madung nian dipatangkas Ia tu hita, jana angkon oloanta do i dohot pomparanta salolot-lolotna.”

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

IBRANI 11:1

Haporsayaan i ma jojahan ni roha taringot tu angka na niarop ni roha dohot hapastian taringot tu na so niida dope.

IBRANI 3:7

Hara ni i songon na nidok ni Tondi Parbadia, “Muda dibege hamu sadarion sora ni Debata,

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.