2 TIMOTEUS 3:13 - BIBEL JAMITA NA DENGGAN

¹³ hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

2 TIMOTEUS 3:13 ပူးပေါင်းရင်းမြစ်များ

JOB 12:16

Na gogo do Debata, tahan jana na godang! HatobanNia do angka na lilu dohot na paliluhon.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

JEHESKIEL 8:13

Dung i didok Tuhan ma tu au, “Idaonmu dope halahi mambaen na jumorbut muse.”

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

2 TIMOTEUS 3:8

Songon si Janes dohot si Jambres na mangalo si Musa najolo, laing songon i ma jolma sisongon i mangalo pangajaran na sian Debata. Masego pikiran ni halahi jana nada porsaya be halahi tu pangajaran na sintong.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

2 PETRUS 2:20

Muda dung ditanda sanga ise Tuhan i dohot Sipaluanta, Jesus Kristus i, jana hara ni i madung malua ia sian angka na marpardomuan tu portibi on na manyegohon parange ni jolma, hape tarjorat muse ia mangulahi jana ditaluhon angka pangalaho ni portibi on, ujungna gabe jumatjat dope na masa tusia ulang pado na parjolo i.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”