2 TIMOTEUS 3:12 - BIBEL JAMITA NA DENGGAN

¹² Angkon hona ayak-ayak do tutu sude halak na ra pasahat ngoluna marsomba tu Debata jana na marpardomuan dohot Kristus Jesus,

2 TIMOTEUS 3:12 ပူးပေါင်းရင်းမြစ်များ

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 23:34

Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

MARKUS 10:30

jagiton ni halahi ma umbahat sian di hatiha saonnari. Dapot ia ma saratus noli umbahat bagas, kahanggi, iboto, dakdanak, saba dohot ladang, dohot parkancitan. Dung i di hatiha na giot ro jagiton ni halahi ma hangoluan na so mantak.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 17:14

Madung Hupalalu tu halahi pangajaran ni Damang jana dihosom portibi on do halahi, angke nada portibi on nampuna halahi; laing sarupa ma i tu Au na so nampuna ni portibi on.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

1 KORINTUS 15:19

Anggo hum di ngolunta dompak di portibi on sajo do pangkirimon ni rohanta tu Kristus gabe hita ma halak na lumebak sian sude jolma na di tano on!

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 4:9

Bahat na mangkosomi hami, hape inda jungada tarpunjung hami. Jana haru pe jotjot hami nibalbalan, tapi nada mate hami.

1 TIMOTEUS 2:2

hara ni angka raja dohot hara ni sude halak na maniop kuaso. Tapangidohon ma anso tarbaen hita mangolu marsonang-sonang di Debata mardongan pangalaho na tama.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

1 TIMOTEUS 6:3

Adong do halak na mangajarkon asing sian i jana na so satujuan muse tu pangajaran na sintong na sian Tuhanta Jesus Kristus. Nada satuju muse halahi tu pangajaran ni ugamonta.

TITUS 1:1

Sian si Paulus, naposo ni Debata, bope rasul ni Jesus Kristus, na nipili do au jana na nisuru laho manyarihon angka na nipili ni Debata anso mur togu di haporsayaanna. Angkon togu-toguonku do halahi laho mananda hasintongan na niajarkon ni ugamonta,

TITUS 2:12

Na mangajari hita do hadengganan ni roha ni Debata i anso ulang be maralo ngolunta tu hagiot ni Debata jana nada be mangihutkon hagiot ni portibi on; diajari do hita anso malo hita mangarajai dirinta, tigor jana manghaholongi Debata.

JOSUA 17:14

Didok pomparan ni si Josep ma tu si Josua, “Biasi hum sabagian sajo tano i dilehen di hami. Hami sun do bahatna, dibaen dipasupasu Tuhan do hami.”

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.

2 PETRUS 3:11

Antong, anggo na giot segohonon do sudena i, angkon gabe na badia ma ngolumunu jana marpangoloion tu Debata,

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.