2 TIMOTEUS 3:11 - BIBEL JAMITA NA DENGGAN

¹¹ Madung diida ho au dibalbalan jana markancit au. Diboto ho do sude na tarjadi tu au di Antiokia, di Ikonium dohot di Listra; jana diboto ho do sude na hutaon i! Tapi malua do au dibaen Tuhan sian sudena i.

2 TIMOTEUS 3:11 ပူးပေါင်းရင်းမြစ်များ

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

2 SAMUEL 22:1

Dung dipalua Tuhan si Daud sian si Saul dohot sian sude musunia na asing i, diendehon si Daud ma ende on di Tuhan:

2 SAMUEL 22:49

Dipalua Ho do au sian musungku dohot sian halak na jahat. Dilehen Ho hamonangan di au maradopkon alongku.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 37:40

Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

BAENON NI ANGKA RASUL 13:14

Sian Perga didalani halahi ma lalu tu Antiokia na di Pisidia. Dung Ari Sabat kehe ma halahi masuk tu bagas paribadatan.

BAENON NI ANGKA RASUL 13:45

Jadi dung diida halak Jahudi songon i, gabe mangiburu ma halahi. Diincahi halahi ma si Paulus jana dialo halahi ma sude hata na nidoknia i.

BAENON NI ANGKA RASUL 14:8

Di Listra adong ma sada bayo na pangpangon dioban tubu, na so unjung dope malo ia mardalan hara ni galena patnia i.

BAENON NI ANGKA RASUL 20:19

Sai markarejo do au mangoloi Tuhan i sian sude rodop ni roha mardongan ilu ni matangku, di tonga-tonga ni parkancitan na hutaon hara ni tahi ni halak Jahudi na giot mangarohai au.

BAENON NI ANGKA RASUL 23:10

Songon i ma jebuna na martongkari i, jabat mabiar komandan i betak sai diparsuakkon halahi lalu si Paulus. Jadi disuru ia ma pasukannia i mambuat si Paulus sian tonga-tonga ni halahi, dioban ma ia tu markas.

BAENON NI ANGKA RASUL 26:17

Giot paluaonKu ma ho sian bangso on dohot sian bangso na asing. SuruonKu ma ho mandapotkon halahi,

BAENON NI ANGKA RASUL 26:22

Tapi hape laing diondihon Debata do au lopus saonnari, gabe tarbaen au jongjong dison, anso hupatorang hasaksianku tu sude halak – na magodang dohot na menek. Sude na hupardokkoni on nada asing sian na dung nipaboa ni angka panurirang hian bope si Musa;

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

SURAT NI SI PAULUS TU PARLAGUTAN ROM 15:31

Anso malua au sian angka na so porsaya na adong di Judea, jana anso tumbuk tu roha ni halak na porsaya na di Jerusalem karejongki.

2 KORINTUS 1:5

Angka hasusaan na nitaon ni Kristus i pe, madung bahat hami taon. Hara ni i do umbaen na mur togu rohanami markite-hite Kristus.

2 KORINTUS 1:7

Nada jungada ganggu rohanami taringot tu na hami arop sian hamu, angke hami boto do, na dohot do hamu susa rap dohot hami. Jana hara ni i ma umbaen na gabe dohot hamu dipatogu.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,