2 TIMOTEUS 2:9 - BIBEL JAMITA NA DENGGAN

⁹ Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.

2 TIMOTEUS 2:9 ပူးပေါင်းရင်းမြစ်များ

LUKAS 23:32

Adong muse dope dua halak nari na asing na nioban ni halahi anso diuhum rap dohot Jesus.

BAENON NI ANGKA RASUL 21:33

Didapotkon komandan i ma si Paulus, ditangkup ma ia jana disuru komandan i ma halak mangarante si Paulus. Dung i disapai komandan i ma sanga ise si Paulus jana sanga aha na nibaennia.

BAENON NI ANGKA RASUL 28:31

Jana nada pola adong biarnia paboahon Harajaan Ni Debata tu halahi, songon i taringot tu Tuhan Jesus Kristus. Bebas do si Paulus mambaen songon i, nada pola adong na mangambat-ambati ia.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

PILIPPI 1:17

Tapi anggo halak na asing, nada denggan maksud ni halahi manjamitahon Kristus i; na patongon tu hagiotna do halahi na marjamita i. Ning roha ni halahi, mur tamba susa ma au di hurungan hara ni halahi.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

KOLOSSE 4:18

Tabe sian au si Paulus. Au sandiri do na manyurat bagian on. Ulang lupa hamu bahaso na tarhurung dope au! Sai dipasupasu Debata ma hamu tongtong.

KOLOSSE 4:3

Laing tangiangkon hamu ma hami anso dilehen Debata di hami hatiha na denggan laho pararatkon rahasia na sian Debata taringot tu Kristus i. Angke hara ni i do umbaen na pola tarhurung au saonnari.

1 TESSALONIKA 1:8

Angke mamungka sian hamu do rarat barita taringot tu Tuhan Jesus tu Makedonia dohot Akaya. Jana nada hum i sajo; barita ni haporsayaanmunu pe tu Debata, madung tarbonggal sun tu dia, gabe nada adong be pola na porlu sidokkononnami.

2 TESSALONIKA 3:1

Tangiangkon hamu ma hami anso torus rarat barita na sian Tuhan i, jana denggan nian dijagit halak songon na dung tulus tu hamu na salpu i.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

2 TIMOTEUS 1:16

Tapi anggo na sian bagas ni si Onesiporus madung adong sanga na piga noli dipajop ia rohangku. Ibo ma roha ni Tuhan, sai dilehen ma tu halahi asi ni rohaNa. Haru pe tarhurung au, nada pola maila si Onesiporus marnida na masa tu au.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

2 TIMOTEUS 2:3

Angkon laing dohot do ho manaon parkancitan songon tentara na burju di Jesus Kristus.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 2:14

sanga pe gubernur na nitodo ni Kesar i manguhumi halak sibaen na jahat, dohot na manghormati halak sibaen na denggan.

1 PETRUS 3:16

Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.

1 PETRUS 4:15

Ulang ma adong sahalak pe sian hamu na manaon parkancitan hara ni na mamunu, sanga manangko sanga mambaen na jat, sanga hara ni na manggunturi.