2 TIMOTEUS 2:8 - BIBEL JAMITA NA DENGGAN

⁸ On ma ingot: Jamita Na Denggan na hujamitahon i, barita taringot tu Jesus Kristus do i, i ma pomparan ni si Daud; i ma Kristus na mulak mangolu i sian hamatean.

2 TIMOTEUS 2:8 ပူးပေါင်းရင်းမြစ်များ

MATEUS 1:1

Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

BAENON NI ANGKA RASUL 13:23

Sian pomparan ni si Daud i ma dipabangkit Debata sada Sipalua di halak Israel, laing songon na nijanjihonNia i hian. Jana Jesus do Kristus i.

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

1 KORINTUS 15:1

Hamu ale angka dongan! Saonnari giotku, ingot hamu ma mangulahi Jamita Na Denggan na sian Debata na hujamitahon i najolo tu hamu. Madung dijagit hamu i, jana marojahan tu Jamita Na Denggan i do haporsayaanmunu.

1 KORINTUS 15:4

Madung ditanom Ia, jana mangulahi Ia dipangolu di ari patoluhon. I pe na dung tarsurat hian do i di Buku Na Badia i.

2 TESSALONIKA 2:14

Anso tusi ma dibaen hamu na nipiohon ni Debata markite-hite Jamita Na Denggan na hami jamitahon i tu hamu. Dipiohon Debata pe hamu, anso laing dohot do hamu nian marsangap rap dohot Tuhanta Jesus Kristus.

1 TIMOTEUS 1:11

Anggo pangajaran i, i ma na tarsurat di Jamita Na Denggan i na dung dipasahat tu au di bagasan pos ni roha, i ma Jamita Na Denggan na sian Debata na sangap i.

1 TIMOTEUS 2:7

Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

2 TIMOTEUS 2:7

Pikiri ma jolo sanga aha na hupajojor on, angke dilehen Tuhan do di ho gogo laho mangastui sasudena i.

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”