2 TIMOTEUS 2:7 - BIBEL JAMITA NA DENGGAN

⁷ Pikiri ma jolo sanga aha na hupajojor on, angke dilehen Tuhan do di ho gogo laho mangastui sasudena i.

2 TIMOTEUS 2:7 ပူးပေါင်းရင်းမြစ်များ

1 JUJUR TAON 22:12

Jana sai ibo nian roha ni Tuhan Debatami laho mangalehen habisuhon dohot roha di ho anso tarrajai ho Israel hombar tu angka aturanna.

1 JUJUR TAON 29:19

Lehen ma tu si Salomo anakki, roha na marsitutu laho mangihutkon sude na niparentahonMu bope laho pajongjong sada bagas paribadatan na dung hupasingkop haporluanna.”

MASMUR 119:125

NaposoMu do au on, baen ma au mangarti, paraturanMi anso huastui.

MASMUR 119:144

Sapanjangna do tigor paraturanMu, lehen ma di au pangastuion anso mangolu au.

MASMUR 119:73

Ho do na manjadihon dohot na manompa au lehen ma di au parbinotoan laho mangastui angka parentaMu.

MASMUR 64:9

Gabe mabiar be ma halak sudena; marpikir be ma halahi salaho tu pambaenan ni Debata, jana pararatkon sanga aha na dung dipatupa Debata.

PODA 24:32

Dung huparrohahon jana hupasari-sari salaho tusi, dapot au ma songon parsiajaran:

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JESAYA 28:26

Diboto ia do sanga na bia baenonnia mangkarejohon i, harana madung diajari Debata ia.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.

1 KORINTUS 12:8

Tu na sada dilehen Tondi i do hamaloon mandok hata di bagasan habisuhon, jana tu na asing, dilehen Tondi i do hamaloon mandok hata di bagasan parbinotoan.

PANGARATAION 32:29

Nada diastuisa biasi talu halahi; nada mamoto sude na masa i.

PANGARATAION 4:39

Antong sadari on, ingot jana na so tola lupa hamu: Debata di langit dohot di ginjang ni tano on do Tuhan. Nada adong debata na asing be.

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

1 TIMOTEUS 4:15

Situtui ma mangkarejohon i sudena anso sudena halak marnida hamajuanmu.

2 TIMOTEUS 2:6

Partani na marsitutu markarejo, i do na patut parjolo dapotan suha ni na nisuanna.

2 TIMOTEUS 2:8

On ma ingot: Jamita Na Denggan na hujamitahon i, barita taringot tu Jesus Kristus do i, i ma pomparan ni si Daud; i ma Kristus na mulak mangolu i sian hamatean.

IBRANI 12:3

Ingot hamu ma Ia na manaon sai bahat hata partangkangon sian angka pardosa, anso ulang gale hamu, jana ulang mandele rohamunu.

IBRANI 13:7

Ulang hamu lupa tu angka pamimpinmunu na dung pasahatkon jamita na sian Debata tu hamu. Paligi-ligi hamu ma sanga songon dia pardalan ni ngolu ni halahi lopus mate jana haporsayai hamu ma Debata songon pangkaporsayai ni halahi di Debata.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 7:4

Jadi madung taida dison sanga songon dia godang ni si Melkisedek hara ni sangapnia, salang si Abraham na umpompar bangsonta laing manggarar do tusia saparsampulu ni na dapotnia sian parporangan i.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

JAKOBUS 3:15

Nada habisuhon na ro sian banua ginjang anggo habisuhon na songon i, sian portibi on do i, sian hagiot ni jolma, karejo ni setan do i!

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.