Sanga aha pe na ro, tahan do holong ni roha i jana dihaporsayaisa do sude; anggo holong ni roha i nada unjung mago pangkirimonna jana sai sobar do i manaon sasudena.
Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!
Muda hami taon hasusaan, laho patoguhon rohamunu do i, anso malua hamu. Muda mur togu rohanami, gabe dohot do hamu dipatogu jana gabe sobar hamu di bagasan angka hasusaan songon na hami taon i.
Pos do rohangku pasahatkon karejo on tu ho, ale Timoteus anakku, hombar tu na nisurirangkon taringot tu ho, anso dipargogoi panurirangon i ho mangkarejohon pambaenan na denggan,
Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.
Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.
Hara ni na manjamitahon Jamita Na Denggan i do umbaen na markancit au; lopus tarrante dope songon sada halak parjahat, tapi nada tarrante anggo hata ni Debata.
Madung diida ho au dibalbalan jana markancit au. Diboto ho do sude na tarjadi tu au di Antiokia, di Ikonium dohot di Listra; jana diboto ho do sude na hutaon i! Tapi malua do au dibaen Tuhan sian sudena i.
Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.
Ingot hamu ma sanga na bia pangalahomunu di hatiha na salpu. Anggo di hatiha i, dung ditorangi sinondang ni Debata hamu, bahat do parhancitan ditaon hamu; haru songon i pe laing marsitutu do hamu marjuang.
Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.
Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.