2 TIMOTEUS 2:2 - BIBEL JAMITA NA DENGGAN

² Pangajaran na nibegemu sian au di jolo ni halak na bahat, pasahat ma i tu angka dongan sanga ise na tarhaposi roha jana na malo mangajari halak na asing.

2 TIMOTEUS 2:2 ပူးပေါင်းရင်းမြစ်များ

ESRA 7:10

Madung dipasada si Esra rohania tu na manangkasi Tona Ni Tuhan, laho patuluskonsa lalu mangajarkon sude hatontuan dohot paraturanna i tu bangso Israel.

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

NEHEMIA 7:2

Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

MASMUR 101:6

Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

PODA 13:17

Utusan na marroha jahat patubu parbadaan; suruan na nihaposan parohon pardamean.

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

HAMALIMON 14:42

Dung i angka batu na diparuar i, gontion ma dohot batu na imbaru. Dingding batu ni bagas i angkon nilepo mangulahi.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

BILANGAN 12:7

Tapi nada songon i muda mangkatai Au dohot si Musa pangoloingKi. Madung Hupasahat tusia karejo mamimpin bangsongKu Israel.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 24:25

Hara ni i, ingot hamu ma i! Madung jolo Hupaboa hian i tu hamu, taran so tarjadi dope.

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

2 KORINTUS 2:14

Tapi tarimakasi ma di Debata, tongtong do diuluhon Ia hami mangihutkon uduran ni hamonangan ni Kristus. Dipake Debata do hami anso songon uap na huskus jamita taringot tu Kristus i.

2 KORINTUS 3:5

Nada adong sanga aha anggo di bagasan dirinami sipangasahonon na mambaen hami sanggup mambaen karejo on, na nilehen ni Debata do hamaloon i di hami.

KOLOSSE 1:7

Si Epafras do na pasahatkon i tu hamu, i ma ale-ale haholongannami i. Parkarejo ni Kristus do ia na sai burju tongtong markarejo laho manyarihon hamu.

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

1 TIMOTEUS 1:18

Pos do rohangku pasahatkon karejo on tu ho, ale Timoteus anakku, hombar tu na nisurirangkon taringot tu ho, anso dipargogoi panurirangon i ho mangkarejohon pambaenan na denggan,

1 TIMOTEUS 4:14

Ulang lalap ho mamake hasurungan na adong di ho, na nijagitmu dompak na niampehon ni angka pamimpin ni parlagutan tangan ni halahi tu ulumu.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

1 TIMOTEUS 5:22

Ulang mamopoptu ho mangampehon tangan laho mangangkat sada-sada halak gabe pangoloi ni Tuhan. Muda mardosa halak, ulang ho dohot-dohotan di dosa i. Jagohon ma dirimu anso tongtong polin.

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.

2 TIMOTEUS 3:10

Tapi madung diihutkon ho angka pangajaran na sian au, parangengku dohot tujuan ni ngolungku. Madung diida ho sandiri haporsayaanku, hasobaronku, holong ni rohangku dohot pohom ni rohangku.

2 TIMOTEUS 3:14

Tapi anggo taringot tu ho Timoteus, marsitiopan tu angka pangajaran na tutu i ma ho, na dung niajarkon tu ho jana na nihaporsayaanmu situtu; harana diboto ho do sanga ise angka gurumu.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

1 SAMUEL 2:35

Dung i todoonKu ma malim na burju tu Au dohot na patuluskon sanga aha na Huparentahon tusia. Sai torus ma markarejo pomparannia songon malim di adopan ni angka raja na Hutodo.