2 TIMOTEUS 2:18 - BIBEL JAMITA NA DENGGAN

¹⁸ Madung manyimbil halahi sian pangajaran na sintong, jana gabe disego-sego halahi do haporsayaan ni deba halak. Pandok ni halahi anggo hangongot ni angka na mate i ma pola salpu i.

2 TIMOTEUS 2:18 ပူးပေါင်းရင်းမြစ်များ

MATEUS 15:13

Dialusi Jesus ma, “Sude suan-suanan na so nisuan ni Damang na di banua ginjang i, angkon niumpat dohot urat-uratna.

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

BAENON NI ANGKA RASUL 5:39

Tapi muda sian Debata do mula ni i, nada tartaluhon hamunu i. Betak na tardapot muse do hamu angka dongan, na mangalo tu Debata.” Dijagit rapot i ma hata ni si Gamaliel i.

1 KORINTUS 11:19

Madung sapatutna masa parsalisian di hamu, anso tarida sanoli on sanga ise Kristen na tahan uji.

1 KORINTUS 15:12

Tapi muda i do na hami jamitahon, i ma Kristus na dung nipangolu i mangulahi sian hamatean, biasi laing adong dope deba sian hamu na mandok, anggo jolma na mate, nada pangoluon be mangulahi?

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

1 TIMOTEUS 1:19

marhite haporsayaan dohot roha na ias. Adong do deba halak na so parduli di sora ni taroktokna, jadi gabe mago do haporsayaan ni halahi.

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.

1 TIMOTEUS 6:21

Harana adong do halak na mandohoti mangajarkon na songon i hape madung manyimbil sian angka ajaran ni Kristen na nihaporsayaan ni halahi na salpu i. Sai dibasa-basahon Debata ma asi ni rohana i tu hamu.

2 TIMOTEUS 2:14

Paingotkon ma tu halak taringot tuson sudena. Di jolo ni Debata, paingot ma halahi anso ulang martangkangi hara ni angka pandohan. Nada adong guna ni i, gariada hum mambaen gaor pikiran ni halak na umbegesa do i.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

IBRANI 3:10

I do umbaen na goyak rohangKu mida halahi jana Hudok ma, ‘Na tongtong do halahi lilu, jana losok mangoloi angka parenta na Hudok.’

JAKOBUS 5:19

Hamu angka dongan! Muda adong barang ise na lilu sian hatigoran i, dung i adong barang ise na paulakkon rohania,

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.