2 TIMOTEUS 2:11 - BIBEL JAMITA NA DENGGAN

¹¹ Na tutu situtu do pandohan on: “Muda dung mate hita rap dohot Ia, laing mangolu muse ma hita rap dohot Ia.

2 TIMOTEUS 2:11 ပူးပေါင်းရင်းမြစ်များ

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

SURAT NI SI PAULUS TU PARLAGUTAN ROM 6:5

Harana muda dung sada do hita di bagasan hamateanNia, hita pe gabe sada do di bagasan hangongotNia.

SURAT NI SI PAULUS TU PARLAGUTAN ROM 6:8

Jadi muda dung mate hita rap dohot Kristus, tahaporsayai muse ma na mangolu do hita rap dohot Ia.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 4:10

Sai tongtong do hami oban hamatean ni Jesus di pamatang nami anso tangkas muse hangoluan ni Jesus di pamatang nami.

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

1 TESSALONIKA 5:10

Hara ni hita do umbaen na mate Jesus, anso tarbaen mangolu hita rap dohot Ia muda ro Ia muse – sanga na laing mangolu hita disi sanga pe na dung mate.

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

1 TIMOTEUS 3:1

Hata na tutu do on, “Sanga ise na marhagiot gabe pamimpin ni parlagutan, patuduhon por ni rohania do ia tu sada karejo sigodang arga.”

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.