2 TIMOTEUS 1:9 - BIBEL JAMITA NA DENGGAN

⁹ Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

2 TIMOTEUS 1:9 ပူးပေါင်းရင်းမြစ်များ

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

LUKAS 10:21

Laing di hatiha i muse, marjop ni roha ma Jesus di bagasan Tondi Parbadia, jana mandok, “Hupuji do Ho Amang, Tuhan ni langit dohot tano, dibaen dibunihon Ho do i adop angka na pistar dohot na marroha, tapi dipapatar Ho do i tu angka halak na menek. Olo, ale Amang, songon i ma antong hagiot ni Damang sandiri.”

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 17:9

Hara ni halahi do umbaen na martangiang Au. Nada Hutangiangkon anggo portibi on; hum tu angka jolma na nipasahat ni Damang i tu Au do na Hutangiangkon; harana Damang do nampuna halahi.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

BAENON NI ANGKA RASUL 15:18

na dung paboahon pangalaho i sian na jolo.”

BAENON NI ANGKA RASUL 2:47

jana sai tongtong do Debata dipuji-puji halahi, jana sai jop do roha ni halak sudena mida halahi. Ganop ari do martamba bilangan ni halahi, harana sai dilehen Tuhan i do tu halahi angka halak na nipalua.

SURAT NI SI PAULUS TU PARLAGUTAN ROM 11:14

Anggo ninna rohangku tarbaen au do mangiburu roha ni dongan sabangsongki, anso tarpalua nanggo apala deba nian sian halahi.

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

SURAT NI SI PAULUS TU PARLAGUTAN ROM 9:24

tarmasuk hita na dung nipioNia, nada hum sian halak Jahudi, tapi dohot do sian angka bangso na asing.

1 KORINTUS 1:18

Harana anggo di halak na hona uhum ni Debata, songon haotoan do barita taringot tu hamamate ni Kristus di parsilang i. Tapi anggo di hita na nipalua ni Debata, kuaso ni Debata do barita i.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

EPESUS 3:11

Mardomu tu sangkapNia na so ra muba i do sudena i dibaen Debata na nipatulusNia markite-hite Jesus Kristus Tuhanta i.

PILIPPI 3:14

Hara ni i ma umbaen na torus hulojong manuju tu tujuan na parpudi anso dapot au hamonangan, i ma ngolu na di banua ginjang; hara ni i do umbaen na nipio ni Debata hita markite-hite Jesus Kristus.

1 TESSALONIKA 4:7

Dipio Debata pe hita, nada anso hodar ngolunta, tapi anso badia do ngolunta i.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

2 TIMOTEUS 1:1

Sian si Paulus, rasul ni Kristus Jesus markite-hite hagiot ni Debata, giot mamarintahon janji taringot tu ngolu di bagasan Kristus Jesus.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

1 PETRUS 1:20

Na dung nipili ni Debata do Kristus i dompak so ditompa dope tano on. Jana di angka ari marayak ujung ni jaman on, ro do Ia tu portibi on laho paluahon hamu.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 17:8

Anggo binatang na dung niidami madung adong do i, tapi nada adong, na giot manaek ma ia sian rura hamatean anso kehe ma ia tu hamagoan. Jadi homang ma roha ni angka na maringanan di tano on, i ma angka na so tarsurat goarna di buku hangoluan sian mula-mula ni hasiangan on, muda diida halahi binatang i na dung adong, tapi nada adong, jana na giot ro muse.