2 TIMOTEUS 1:6 - BIBEL JAMITA NA DENGGAN

⁶ Hara ni i hupaingot ho, anso dipasunggul-sunggul ho silehen-lehen ni Debata, na di bagasan ho, hara ni na hupayakkon tanganku tu ho.

2 TIMOTEUS 1:6 ပူးပေါင်းရင်းမြစ်များ

HARURUAR 35:26

Sandok dadaboru na taronjar rohana hara ni hamaloanna, martonun imbulu ni hambeng ma.

HARURUAR 36:2

Jadi dipio si Musa ma si Besaleel, si Aholiab dohot sude tukang na asing na dung disuan Tuhan tu rohana hamaloan, dohot halak na nionjar ni rohana mangurupi, lalu disuru mamungka karejo i.

JESAYA 43:26

Beta hita tu paruhuman; aduhon ma parkaromu, jana buktihon ma antong habonaranmu.

LUKAS 19:13

Tapi dompak so kehe ia, dipiohon ia ma sampulu halak naposonia jana dilehen ia ma tu halahi sada be hepeng sere. ‘Marjagal ma hamu, hepeng on ma pake hamu salolot so dison au,’ ning ia tu halahi.

BAENON NI ANGKA RASUL 19:6

Jadi hatiha dipayakkon si Paulus tangannia tu ginjang ni halahi, digohi Tondi Parbadia ma halahi jadi mamungka ma halahi mangkobari di angka hata na asing jana dipajojor halahi ma hata ni Debata.

BAENON NI ANGKA RASUL 6:6

Dung i dipajongjong ma halahi di jolo ni angka rasul i, dung i martangiang ma angka rasul i jana diampehon ma tanganna tu halahi.

1 TESSALONIKA 5:19

Ulang intopi hamu Tondi i.

1 TIMOTEUS 4:14

Ulang lalap ho mamake hasurungan na adong di ho, na nijagitmu dompak na niampehon ni angka pamimpin ni parlagutan tangan ni halahi tu ulumu.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

2 TIMOTEUS 2:14

Paingotkon ma tu halak taringot tuson sudena. Di jolo ni Debata, paingot ma halahi anso ulang martangkangi hara ni angka pandohan. Nada adong guna ni i, gariada hum mambaen gaor pikiran ni halak na umbegesa do i.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

IBRANI 6:2

i ma parsiajaran parmulaan taringot tu pandidion sanga taringot tu na mamayakkon tangan tu halak; sanga pe taringot tu na mulak mangolu sian hamatean bope uhuman na so ra mantak.

2 PETRUS 1:12

Hara ni i, angkon laing pupuonku do paingotkon na songon i tu hamu, haru pe nian madung tangkas i di hamu jana na dung situtu hamu porsaya tu hatigoran na sian Debata na nijagitmunu i.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.