2 TIMOTEUS 1:4 - BIBEL JAMITA NA DENGGAN

⁴ Huingot do hamamarsak ni rohamu. I do umbaen na songon i situtu ni rohangku anso marsuo dohot ho anso tarbaen au nian marjop ni roha situtu.

2 TIMOTEUS 1:4 ပူးပေါင်းရင်းမြစ်များ

MASMUR 126:5

Ise na manyabur mardongan arsak, manyabi ma ia marjop ni roha.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

BAENON NI ANGKA RASUL 20:19

Sai markarejo do au mangoloi Tuhan i sian sude rodop ni roha mardongan ilu ni matangku, di tonga-tonga ni parkancitan na hutaon hara ni tahi ni halak Jahudi na giot mangarohai au.

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

SURAT NI SI PAULUS TU PARLAGUTAN ROM 1:11

Harana sai malungun do au marsuo dohot hamu anso tarlehen au nian di hamu silehen-lehen partondion laho patoguhon hamu.

PILIPPI 1:8

Sai lungun sajo do rohangku tu hamu angka dongan, mardongan pangkilalaan holong ni roha na solkot sian Jesus Kristus sandiri. Debata ma saksina, paboa na tutu na hudok i.

PILIPPI 2:26

Malungun situtu do ia mida hamu sudena jana marsak do rohania betak na dung lalu tu hamu barita paboa na marnyae ia.

1 TESSALONIKA 2:17

Tapi hamu angka dongan, dung marsirang hami santongkin sian hamu – holip sian mata tapi nada lupa sian roha – mur malungun do hami mida hamu jana sai hami usahohon do anso marsuo mangulahi dohot hamu!

2 TIMOTEUS 4:21

Usahohon ma anso ro ho dompak so musim ngali nian. Si Ebulus, si Pudes, si Linus dohot si Klaudia palalu tabe do tu ho; songon i muse dohot angka dongan sahaporsayaan na asing i.

2 TIMOTEUS 4:9

Usahohon ma jolo anso tumibu tarbaen ho manopot au,

1 JOHANNES 1:4

Hami baen pe surat on, anso mur marjop ni roha do hita.

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”