2 TIMOTEUS 1:3 - BIBEL JAMITA NA DENGGAN

³ Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.

2 TIMOTEUS 1:3 ပူးပေါင်းရင်းမြစ်များ

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

BAENON NI ANGKA RASUL 22:3

“Halak Jahudi do au, di Tarsus na di Luat Kilikia do au sorang, tapi di Jerusalem on do au magodang jana tangkas do diajari guru godang Gamaliel au taringot tu Tona na nilehen tu angka ompungta. Songon dia haburjuonmunu dison sadarion hamu ale angka dongan, laing songon i do au burju mangoloi Debata.

BAENON NI ANGKA RASUL 23:1

Diligi si Paulus ma jolo anggota ni pangadilan i, lalu didok ia ma, “Hamu angka kahanggingku! Lopus saonnari na so adong dope huhilala marsala au tu Debata di bagasan taroktokku taringot tu pardalan ni ngolungku.”

BAENON NI ANGKA RASUL 24:14

Tapi angkon okuonku do tu tuan i, paboa na husomba do Debata ni angka ompungnami hombar tu Dalan Ni Tuhan, i ma na sala dietong roha ni halahi. Hape nian laing huhaporsayai do sudena na tarsurat di Buku Ni si Musa dohot di Buku Ni angka Panurirang.

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

BAENON NI ANGKA RASUL 26:4

Sude do halak Jahudi tangkas umboto taringot tu ngolungku mamungka sian haposoonku. Diboto halahi do mamungka sian hamenehanku laing na tinggal di tonga-tonga ni bangsongki sandiri do au di Jerusalem.

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

SURAT NI SI PAULUS TU PARLAGUTAN ROM 9:1

Tutu do na hudok di bagasan Kristus, nada margabus au, disaksihon taroktokki do songon i markite-hite Tondi Parbadia.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

EPESUS 1:16

nada marnamantak au mandok tarimakasi tu Debata hara ni hamu sude. Sai tongtong do hugoari hamu muda hatiha martangiang au.

1 TESSALONIKA 3:10

Arian na borngin hami pangidohon do sian sude rohanami, anso tarbaen hami nian marsuo bohi dohot hamu laho manggohi sanga aha na hurang di haporsayaanmunu.

1 TIMOTEUS 1:19

marhite haporsayaan dohot roha na ias. Adong do deba halak na so parduli di sora ni taroktokna, jadi gabe mago do haporsayaan ni halahi.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

2 TIMOTEUS 1:5

Taringot do tu rohangku situtu ni haporsayaanmu tu Kristus, sarupa tu haporsayaan ni ompungmu si Lois dohot inanta si Eunike. Jana au pe pos do rohangku, laing songon i muse haporsayaanmu.

2 TIMOTEUS 3:15

Ingotonmu do, mamungka sian hamenehanmu dope madung ditanda ho Buku Na Badia i. Ditorangi Buku Na Badia i do rohamu laho mangastui anso maruli haluaan ho sian na mangkaporsayai Kristus Jesus.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.