2 TESSALONIKA 3:9 - BIBEL JAMITA NA DENGGAN

⁹ Nada na so marhak hami mangido anso diurupi hamu hami, tapi anso gabe tiruan na denggan do hami di hamu anso ihutkononmunu.

2 TESSALONIKA 3:9 ပူးပေါင်းရင်းမြစ်များ

MATEUS 10:10

Indangkon pola maroban kantongan hamu sanga abit duangkibung, sanga sipatu sanga tungkot. Harana, angkon mangan do halak na markarejo.

JOHANNES 13:15

Tiruan do na Hubaen i tu hamu, anso dibaen hamu muse songon na Hubaen i tu hamu.

1 KORINTUS 4:16

Hara ni i gomos ma hupangido tu hamu, au ma tiru hamu.

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.

1 TESSALONIKA 2:6

Jana nada jungada hami jalahi pujian sian jolma – sanga sian hamu bope sian halak na asing. Songon rasul ni Kristus anggo satutuna, tola sajo do pangidoonnami sanga aha na porlu sian hamu.

2 TESSALONIKA 3:7

Hamu pe diboto hamu do, sanga na bia sapatutna baenonmunu maniru hami. Nada jungada losok hami dompak di tonga-tongamunu.

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.