2 TESSALONIKA 3:5 - BIBEL JAMITA NA DENGGAN

⁵ Sai dituturi Tuhan ma rohamunu tu holong roha ni Debata dohot tu hasobaron na nilehen ni Kristus.

2 TESSALONIKA 3:5 ပူးပေါင်းရင်းမြစ်များ

1 RAJA-RAJA 8:58

Sai dibaen Ia ma hita gabe halak na burju tuSia anso sude ngolunta mangihutkon hagiotNia jana burju patulus angka tona dohot parenta na dung nilehenNia tu ompunta.

1 JUJUR TAON 29:18

Ale Tuhan, Debata na nisomba ni si Abraham, si Ishak dohot si Jakob ompunami i, jagohon ma bangsoMon anso hot songon i holong ni rohanami tu Ho jana urupi ma halahi anso tongtong burju mangoloi Ho.

MASMUR 119:36

Lehen ma di au lungun ni roha laho mangoloi aturanMu, manyalpui por ni roha gabe mamora.

MASMUR 119:5

Sai togu ma nian rohangku mandalankon angka aturanMu.

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

SURAT NI SI PAULUS TU PARLAGUTAN ROM 8:25

Tapi muda mararop ni roha do hita tu na so taida dope, gabe sobar ma hita painte-intehonsa.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

1 KORINTUS 8:3

Tapi sanga ise na marsitutu mangkaholongi Debata, ditanda Debata do ia.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 3:11

Sai dipabulus Debata Amanta i sandiri dohot Tuhanta Jesus ma nian dalan di hami anso marsuo dohot hamu!

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.

2 PETRUS 3:12

salolot painte-intehon jana na patibuhon haroro ni Ari Ni Debata i hamu. Abis ma mosok sudena di Ari i sandok langit i, jana hara ni milasna gabe malala ma gabe songon aek sandok na adong di langit i.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”