2 TESSALONIKA 3:2 - BIBEL JAMITA NA DENGGAN

² Tangiangkon hamu muse ma anso laing malua hami sian angka halak na jahat dohot na so ture. Angke nada sudena halak ra mangkaporsayai jamita na sian Tuhan i.

2 TESSALONIKA 3:2 ပူးပေါင်းရင်းမြစ်များ

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

BAENON NI ANGKA RASUL 13:45

Jadi dung diida halak Jahudi songon i, gabe mangiburu ma halahi. Diincahi halahi ma si Paulus jana dialo halahi ma sude hata na nidoknia i.

BAENON NI ANGKA RASUL 13:50

Tapi dijajang halak Jahudi i ma angka dadaboru sian halak na sangap angka na mangkabiari Debata. Dipatubu halahi ma goyak ni roha mida si Paulus dohot si Barnabas, jana dipaorot halahi ma halahi na dua sian luat i.

BAENON NI ANGKA RASUL 14:2

Tapi dijajang halak Jahudi na so ra porsaya i ma angka bangso na asing na so Jahudi i, anso goyak roha ni halahi mida angka na porsaya i tu Jesus.

BAENON NI ANGKA RASUL 17:5

Tapi mangiburu ma halak Jahudi i. Dipio halahi ma angka parlompong na di pasar i mambaen garombolan ni sipanggaori. Digaori halahi ma sude kota i, disaroso halahi ma bagas ni si Jason laho manjalahi si Paulus dohot si Silas, harana giot boanon ni halahi do si Paulus dohot si Silas tu jolo ni halak na bahat.

BAENON NI ANGKA RASUL 25:27

Harana anggo ninna rohangku, hurang do sumanna suruon sahalak tahanan anggo so nipaboa sanga aha hasalaan na nituhaskon tusia.”

BAENON NI ANGKA RASUL 28:24

Adong do nian deba na porsaya tu na nidok ni si Paulus i, tapi deba nada ra porsaya.

SURAT NI SI PAULUS TU PARLAGUTAN ROM 10:16

Tapi nada sudena halak manjagit Jamita Na Denggan i. Angke didok si Jesaya do, “O Tuhan, ise ma he na mangkaporsayai na hami baritahon i?”

SURAT NI SI PAULUS TU PARLAGUTAN ROM 15:31

Anso malua au sian angka na so porsaya na adong di Judea, jana anso tumbuk tu roha ni halak na porsaya na di Jerusalem karejongki.

1 KORINTUS 15:32

Anggo hum hara ni na somal masa di jolma sajo do pola ma marsiranggut au mangalo angka binatang panyoro di Epesus on, aha ma labongku sian i? Anggo so pangoluon do halak na mate i mangulahi, antong dumenggan ma: “Mangan minum hita jana marsonang-sonang, harana laing na mate do hita ancogot.”

PANGARATAION 32:20

Didok ma, ‘Nada parduli Au di halahi, bangso sijogal roha na so setia i.’

1 TESSALONIKA 2:18

Adong do maksudnami manopot hamu; jana au sandiri si Paulus madung piga-piga noli hucubo, tapi disundati Sibolis do hami.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.