2 TESSALONIKA 2:9 - BIBEL JAMITA NA DENGGAN

⁹ Sian parkarejoan ni Sibolis, tarida ma Jolma Na Jahat i di bagasan kuasonia na godang. Baenonnia ma angka tanda hahomangan marragam rupa dohot angka pangalaho na luar biasa mardongan sipaoto-oto.

2 TESSALONIKA 2:9 ပူးပေါင်းရင်းမြစ်များ

2 JUJUR TAON 18:20

Ujungna ro ma sada tondi. Dipadonok ia ma tu Tuhan jana didok ia ma, ‘Au ma kehe mangelek ia.’ ‘Bia?’ ninna Tuhan manyapai.

HARURUAR 7:22

Tapi laing dibaen angka parelmu ni raja i muse do songon i marhite elmu sihir ni halahi, gabe sai jogal ma roha ni raja i. Laing songon na nidok ni Tuhan, na so ra do raja i manangihon si Musa dohot si Harun.

HARURUAR 8:18

Angka parelmu sian halak Mesir i giot manguji elmu ni halahi mambaen angka rongit i, tapi nada malo halahi. Sap sude rongit,

HARURUAR 8:7

Tapi dipasang angka parelmu i ma elmu sihir ni halahi muse, jana gok muse ma tohuk marruaran di sude luat i.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

MATEUS 12:22

Dung i adong ma halak na maroban sahalak na mapitung boti na ngungu muse tu Jesus. Na hona setan do bayo i. Dipamalum Jesus ma ia gabe tarbaen ma mangkatai jana marnida mangulahi.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

LUKAS 11:25

Jadi dung mulak ia mangulahi tu bagas i, madung ias jana maratur bagas i didapot ia.

JOHANNES 4:48

Didok Jesus ma tu pagawe ni bagas godang i, “Anggo so jolo diida hamu angka na luar biasa dohot angka hahomangan, laing na so ra do hamu porsaya.”

JOHANNES 8:41

Na nibaen ni amangmunu; i do na nibaenmunu.” Dialusi halak Jahudi i ma, “Nada anak gampang hami. Hum sada do Amangnami, i ma Debata sandiri.”

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

2 KORINTUS 11:14

Inda pola homang roha mida pambaenan na songon i, angke haru Sibolis i pe dipasuman-suman halahi do surusuruan ni hatorangan i!

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

2 TIMOTEUS 3:8

Songon si Janes dohot si Jambres na mangalo si Musa najolo, laing songon i ma jolma sisongon i mangalo pangajaran na sian Debata. Masego pikiran ni halahi jana nada porsaya be halahi tu pangajaran na sintong.

JAKOBUS 3:15

Nada habisuhon na ro sian banua ginjang anggo habisuhon na songon i, sian portibi on do i, sian hagiot ni jolma, karejo ni setan do i!

HALUMBAAN 12:17

Mur gilap ma naga i tu dadaboru i, gabe kehe ma ia mangaroro na asing pinompar ni dadaboru i, i ma sasude halak na marmomosi tona ni Debata dohot angka na maniop hasaksian ni Jesus Kristus.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).