2 TESSALONIKA 2:8 - BIBEL JAMITA NA DENGGAN

⁸ disi pe anso tarida Jolma Na Jahat i. Jadi bunuon ni Tuhan Jesus ma Jolma Na Jahat i dohot hosa na sian pamangan ni Tuhan Jesus sandiri. Jana roncohononNia ma i dohot sinondang ni haroroNia.

2 TESSALONIKA 2:8 ပူးပေါင်းရင်းမြစ်များ

2 SAMUEL 23:7

so adong halak na ra manondong i, anggo so adong parkokas sian hayu sanga bosi. Abis do halak sisongon i panganon ni api.

JOB 4:9

‘Songon haba-haba na gogo i do Debata; mangabisi halahi lopus soada!’

MASMUR 18:15

Tandolan ni laut tarida, sisik ni tano tarbuka tangkas, di na manyonggak Tuhan tu musu mardongan rimas.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 30:28

Pangombus ni hosaNia songon batang aek na mangayupkon. Abis ma angka bangso, jana marujung muse ma angka sangkap ni halahi na jat i.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 7:26

Jadi marrapot ma Paruhuman Banua Ginjang jana buaton ma kuasonia lalu dironcohon ma ia lopus abis.

DANIEL 8:25

Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.

HOSEA 6:5

Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 13:38

Portibi on ma ladang i. Anggo same na denggan i, i ma angka halak na dung gabe parsidohot di Harajaan i. Simareme-eme i, i ma angka halak na mangoloi si Jahat i.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

1 KORINTUS 1:28

Dipili Debata do angka na nietong ni portibi on, toruk, na bile dohot na nietong ni portibi on sisoada, anso disego-sego Debata angka na nipasangap ni portibi on.

2 TESSALONIKA 2:3

Sanga na bia pe i, ulang jabat tartipu hamu dibaen halak. Angke painte so dapot Ari i, angkon jolo masa do na songon on: Bahat ma halak marbalik sian Kristus, jana tangkas ma tarida Jolma Na Jahat na dung ditontuhon hian tu api narako.

1 TIMOTEUS 6:14

Patulus ma sude na hutonahon i tu ho sian roha na ias jana ulang targora, lopus tu haroro ni Tuhanta Jesus Kristus mangulahi.

2 TIMOTEUS 1:10

Jana saonnari dipatidahon Debata ma denggan ni rohaNia i tu hita sian haroro ni Sipaluanta Kristus Jesus. Ditaluhon Jesus do kuaso ni hamatean jana dilehen Ia ngolu na so ra mantak markite Jamita Na Denggan i.

2 TIMOTEUS 4:1

Ro dope Kristus Jesus tu tano on manguhumi angka jolma na mangolu dohot na mate; jana ro ma Ia mamarenta songon Raja. Jadi hara ni i gomos ma pangidoanku tu ho, di jolo ni Debata dohot Kristus Jesus:

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

IBRANI 10:27

Hum na manjagit pangadilan ni Debata sajo noma hita dohot manjagit hagugurgur ni muruk ni Debata na mangabiskon sanga ise halak na mangalo Debata!

1 JOHANNES 2:13

Hubaen surat tu hamu angka ama, dibaen madung ditanda hamu Ia na adong sian mula ni mulana. Hubaen surat on tu hamu angka na poso, angke madung ditaluhon hamu hajahatan.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

HALUMBAAN 1:16

Ditiop tangan siamunna i ma pitu bintang jana ruar ma sada podang na tajom sidua baba sian pamanganNa i. BohiNa i torang songon sinondang ni mataniari di hatiha hamilasanna.

HALUMBAAN 13:5

Dipatola do binatang i pajojorkon angka ginjang ni rohana dohot pangincahion. Dipatola do ia mamarenta opat pulu dua bulan honokna.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 2:16

Antong, pauba hamu ma rohamunu sian angka dosamunu i! Muda inda songon i, ro ma Au santongkin nari mandapotkon hamu jana poranganKu ma angka halakna i dohot podang na di pamanganKon.

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.