2 TESSALONIKA 2:11 - BIBEL JAMITA NA DENGGAN

¹¹ Hara ni i ma umbaen na niparo ni Debata tu halahi sada hagogoon laho paliluhon halahi, lopus porsaya halahi di gabus i.

2 TESSALONIKA 2:11 ပူးပေါင်းရင်းမြစ်များ

PAMUNGKAAN 39:19

Gabe sun ma muruk ni si Potifar.

MASMUR 109:17

Dibaen sai mamurai ia, sai hona bura nian ia! Dibaen na so ra ia mamasumasu, sai ulang ma adong tusia pasupasu!

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

JESAYA 66:4

Jadi hara ni i, angka parmaraan na nihabiaran ni halahi, apala i ma ro mandondoni halahi sandiri. Angke dompak pio-pio Au, nada adong na mangalusi, jana dompak na manghatai Au, nada adong na manangihon. Tumabo do dihilala halahi mangalo Au dohot mambaen na jahat.”

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

JEREMIA 4:10

Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

JEHESKIEL 14:9

Muda adong sada panurirang hona tipu gabe dilehen ia alus na sala, Au Tuhan da na manipu ia. Au Tuhan giot paasingkon ia sian angka halak Israel jana agohononKu ia sian tonga-tonga ni bangsongKu Israel.

JEHESKIEL 21:29

Gabus do parnidaan na niidamunu jana buras dohot bungkak do alatan na nipajojormunu. Na jahat do hamu jana na so hasaya jana madung donok hatihana manjagit uhuman na parpudi hamu. Ponggolkonon ni podang i ma rungkungmunu.’

MATEUS 24:11

Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:5

Angke bahat do halak na ro mamake goarKu, jana dokkonon ni halahi ma, ‘Au do Kristus!’ Paoto-otoon ni halahi ma bahat halak.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

1 TESSALONIKA 2:3

Harana nada tu na paliluhon anggo sipaingotnami maradopkon hamu; nada muse adong disi maksudnami na so ias sanga na giot mangakal-akali.

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

2 TIMOTEUS 4:4

Dipahusor halahi do pinggol ni halahi sian na sintong, tapi patinggilon ni halahi do i tu angka turiturian na so tutu.