2 TESSALONIKA 1:6 - BIBEL JAMITA NA DENGGAN

⁶ Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

2 TESSALONIKA 1:6 ပူးပေါင်းရင်းမြစ်များ

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

PARJAMITA 3:17

Ninna rohangku do di bagasan, uhumon ni Debata do halak na burju dohot halak na jahat, angke sude pangalaho dohot sude pambaenan na tarjadi do i di hatiha na nitontuhon ni Debata.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

KOLOSSE 3:25

Harana sanga ise na marsala, tanggungonna ma angka hasalaanna i; angke sarupa do sudena jolma diida Tuhan i.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

HALUMBAAN 11:18

Madung muruk do angka bangso, tapi madung ro haririmasMu, dohot hatiha anso ni uhum halak na mate i. Dung i anso dilehen Ho upa di angka naposoMu, i ma angka panurirang, di angka na badia dohot angka na manghabiari goarMu, angka na menek dohot na magodang, jana segohononMu ma angka na manyego-nyego tano on.”

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 18:24

Jana di bagasanna adong do mudar ni angka panurirang dohot angka halak na badia dohot mudar ni sude halak na nibunu di tano on.

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”