2 TESSALONIKA 1:5 - BIBEL JAMITA NA DENGGAN

⁵ Dison ma tarida sanga na bia tigorna Uhum Ni Debata: Manaon parkancitan do hamu hara ni Harajaan Ni Debata, jadi etongon ma hamu songon halak na patut masuk tusi.

2 TESSALONIKA 1:5 ပူးပေါင်းရင်းမြစ်များ

JOB 8:3

Na so unjung do dipageduk Debata hatigoran; na so jungada sial pajongjong habonaran.

MASMUR 111:7

Tigor jana bonar do Tuhan di sasude na nibaenNia, tarpangasahon do sude parentaNia.

MASMUR 33:5

Dihaholongi Ia do hasintongan dohot hatigoran, gok holong ni rohaNia na manongtong i do sude portibi.

MASMUR 50:6

Dipabotohon langit do hatigoranNa, angke Debata sandiri do panguhumNa.

MASMUR 72:2

Anso nian diadili bangsoMi mangihutkon aturan, jana dibaen ia na tigor tu halak na nisosakan.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

LUKAS 20:35

tapi anggo angka jolma na patut dipangoluon mangulahi dung mate jana na mangolu saulahon, nada marbagas halahi jana nada dipabagas.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

BAENON NI ANGKA RASUL 13:46

Tapi mur barani do si Paulus dohot si Barnabas mandok hata. Didok halahi ma, “Tutu do i angkon jolo paboaon do hata ni Debata tu hamu. Tapi hara ni na so ra hamu manjagitsa disi ma ditontuhon hamu sandiri paboa na so tama hamu manjagit ngolu na so mantak i. Jadi saonnari tadingkononnami ma hamu, kehe ma hami mandapotkon bangso na asing.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

SURAT NI SI PAULUS TU PARLAGUTAN ROM 8:17

Antong, muda dakdanak ni Debata hita, gabe panean ma hita na giot manjagit angka pasupasu na nipasingkop ni Debata di angka dakdanakNia. Rap manjagit ma hita dohot Kristus sanga aha na dung nipasingkop ni Debata. Angke muda manaon na hancit hita rap dohot Kristus, laing dipasangap muse ma hita rap dohot Ia.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

PILIPPI 1:28

Angkon puluk do hamu tongtong; ulang mabiar hamu mida angka alomunu. I ma tandana di halahi, paboa na angkon talu halahi jana hamu ma na monang. Angke Debata sandiri do na mambaen hamu gabe monang.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

1 TESSALONIKA 2:14

Jana hamu pe angka dongan, madung ditiru hamu angka parlagutan ni Debata, arta ni Kristus na di Judea. Hamu pe madung ditaon hamu parkancitan sian dongan sabangsomunu sandiri laing songon na nitaon ni angka parlagutan ni Debata na di Judea sian angka halak Jahudi.

2 TESSALONIKA 1:11

Hara ni i ma dibaen na tongtong hami tangiangkon hamu. Hami tangiangkon do anso nian halak na tumbuk hamu di pamioon ni Debata. Sai diurupi Debata ma hamu hara ni kuasoNa i, anso tarpatulus hamu sudena na denggan na nihalungunkonmunu hombar tu haporsayaan i. Laing hami tangiangkon do, anso nian hara ni kuaso ni Debata, laing dipaujung Ia ma angka karejo na nikarejohonmunu hombar tu haporsayaanmunu i.

2 TIMOTEUS 2:12

Muda laing sobar hita, angkon laing mamarenta ma hita rap dohot Ia. Muda tatulak Ia, tulahonNia muse ma hita.

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 3:4

Tapi adong dope deba sian hamu na di Sardis on na manjagohon pakeanna anso laing tongtong ias. Rap mardalan ma halahi dohot Au marpakean na bontar, angke tama do songon i halahi.