2 TESSALONIKA 1:4 - BIBEL JAMITA NA DENGGAN

⁴ Hara ni i do umbaen na hami puji hamu di tonga-tonga ni sude angka parlagutan ni Debata. Sian godang ni rohanami, hami paboa do sanga na bia togu ni rohamunu dohot haporsayaanmunu tu Kristus i di tonga-tonga ni siksaan dohot parkancitan na nitaonmunu.

2 TESSALONIKA 1:4 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

SURAT NI SI PAULUS TU PARLAGUTAN ROM 8:25

Tapi muda mararop ni roha do hita tu na so taida dope, gabe sobar ma hita painte-intehonsa.

1 KORINTUS 7:17

Marsiatur ngoluna be ma nian sugari hombar tu panogu-nogu ni Tuhan songon na dung ditontuhon Debata hian tu ganop be, di na mamungka dipio Debata mangkaporsayai Ia. I do aturan na huajarkon di ganop parlagutan.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

2 KORINTUS 7:14

Hupuji-puji hian do hamu tusia, tuani ma inda pola dipaila hamu au. Tutu do sude na dung hami paboa i tu hamu. Songon i muse sanga na aha na hami puji-puji i hamu tu si Titus, hape tutu muse do.

2 KORINTUS 7:4

Pos situtu do rohangku di hamu. Moga situtu do pangkilalaanku hara ni hamu. Haru pe bahat hasusaan hami taon, tarapul situtu do rohangku hara ni hamu. Jop sajo do rohangku!

2 KORINTUS 9:2

Angke huboto do na ringgas hamu mangurupi jana hupuji do hamu tu angka dongan na di Makedonia. Hudok do tu halahi, na dung singkop hamu di Akaya on laho mangalehen pangurupion mamungka sian taon na salpu i. Hara ni situtu ni rohamunu i, madung gabe marsitutu muse bahatan sian halahi.

2 KORINTUS 9:4

Harana betak na adong do halak Makedonia rap dohot au sanolion muda ro au mandapotkon hamu. Jadi anggo pola do tardapot halahi hamu laing nada singkop, na pailahon noma i tu hami. Harana ma sanga hami dok, na pos do rohanami tu hamu! Hamu pe tontu gabe maila ma.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 2:14

Jana hamu pe angka dongan, madung ditiru hamu angka parlagutan ni Debata, arta ni Kristus na di Judea. Hamu pe madung ditaon hamu parkancitan sian dongan sabangsomunu sandiri laing songon na nitaon ni angka parlagutan ni Debata na di Judea sian angka halak Jahudi.

1 TESSALONIKA 2:19

Ise dope lakna arop ni rohanami bagi hajojop ni rohanami dohot tuku hasangapannami di adopan ni Jesus Tuhanta i, hatiha haroroNia? Nada he hamu do i?

2 TESSALONIKA 3:5

Sai dituturi Tuhan ma rohamunu tu holong roha ni Debata dohot tu hasobaron na nilehen ni Kristus.

IBRANI 10:36

Porlu do sobar hamu, jana muda dung dipatulus hamu hagiot ni Debata, jagitonmunu ma janji i.

IBRANI 6:12

Nada por rohanami gabe losok hamu. Anggo giotnami, mangolu ma hamu songon halak na manjagit sanga aha na nijanjihon ni Debata hara ni haporsayaanmunu tuSia dohot hasobaranmunu paintehonsa.

IBRANI 6:15

Jadi hara ni sobarna si Abraham paintehon, gabe dijagit ia do na nijanjihon ni Debata tusia.

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

2 PETRUS 1:6

Jana di bagasan parbinotoan i tambahon hamu ma hatomanan, di bagasan hatomanan hapohoman, jana di bagasan papohoman hadaulatan tu Debata.

HALUMBAAN 14:12

Na porlu dison i ma hasobaran ni angka halak na badia, jana na mangihutkon parenta ni Debata dohot marhaporsayaan tu Jesus.