2 TESSALONIKA 1:12 - BIBEL JAMITA NA DENGGAN

¹² Jadi muda songon i, marsangap ma goar ni Tuhanta Jesus Kristus di bagasan hamu, jana hamu di bagasan Ia, mangihutkon asi ni roha ni Debatanta dohot Tuhan Jesus Kristus.

2 TESSALONIKA 1:12 ပူးပေါင်းရင်းမြစ်များ

PAMUNGKAAN 18:18

Gabe bangso na godang jana na markuaso do pomparannia; jana hara ni ia pasupasuonKu ma sude bangso na di tano on.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JESAYA 45:25

Hape anggo pomparan ni si Jakob paluaonKu ma, jana pujion ni halahi ma Au Tuhan.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

JOHANNES 17:10

Sude na adong di Au laing Damang do nampuna i; jana sude sinadongan ni Damang laing Au do nampuna i. Markite-hite halahi do Au dipasangap.

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

1 KORINTUS 1:4

Sai tongtong do au mandok tarimakasi tu Debata hara ni hamu, dibaen madung dijagit hamu basa-basa na sian Debata markite-hite Jesus Kristus.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

2 TESSALONIKA 1:10

Muda dung ro Ia di ari i giot pasangapon di tonga-tonga ni halak nabadiaNia, jana gabe hahomangan ma Ia di sude halak na porsaya, harana madung di haporsayai hamu hasaksian na hami boan i.

TITUS 2:11

Harana madung dilehen Debata asi ni rohaNia laho paluahon jolma sudena.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,