2 TESSALONIKA 1:1 - BIBEL JAMITA NA DENGGAN

¹ Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Amanta, dohot Tuhan Jesus Kristus.

2 TESSALONIKA 1:1 ပူးပေါင်းရင်းမြစ်များ

BAENON NI ANGKA RASUL 15:22

Putus ma tahi ni angka rasul dohot angka pangituai rap dohot sude anggota ni parlagutan i laho mamili sanga na piga-piga halak sian halahi sisuruon tu Antiokia mandongani si Paulus dohot si Barnabas. Jadi ditodo halahi ma si Silas dohot si Judas na nigoaran muse si Barsabbas. Halak na sangap do halahi na dua dietong sian angka na porsaya di Jerusalem.

BAENON NI ANGKA RASUL 16:1

Dipatorus si Paulus ma mardalan tu Derbe, lopus tu Listra. Adong do disi sahalak sisean na margoar si Timoteus. Boru Jahudi do inangnia, tapi madung porsaya tu Jesus; tapi anggo amangnia halak Junani do.

BAENON NI ANGKA RASUL 17:1

Didatdati si Paulus dohot si Silas ma pardalanan ni halahi i, dibolus halahi ma Ampipolis dohot Apolonia lopus lalu tu Tessalonika. Adong do disi bagas paribadatan ni halak Jahudi.

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.