2 SAMUEL 9:8 - BIBEL JAMITA NA DENGGAN

⁸ Manungkap si Mefiboset mangulahi mandok, “Aha ma nian argangku, suman songon anjing na mate do au, rajanami! Biasi pola songon i denggan ni raja i tu au?”

2 SAMUEL 9:8 ပူးပေါင်းရင်းမြစ်များ

2 SAMUEL 16:9

Didok si Abisai anggi ni si Joab, anak ni si Zeruya i ma tu raja i, “Biasi dipadiar raja i anjing na mate i mamurai raja i? Paloas ma au, anso hugotap rungkungna i!”

2 SAMUEL 24:14

Dialusi si Daud ma, “Dut sajo do rohangku: Tapi nada giot au hona uhuman ni jolma. Padiar ma songon i hona uhuman ni Tuhan hita sudena, angke laing parholong ni roha godang do Ia.”

2 SAMUEL 3:8

Jadi gabe gilap ma si Abner jana didok ia ma, “Adong he na didok roha ni tuan i do marbalik au sian si Saul jana mamihak au tu Juda lakna? Sian mulana do au unduk tu si Saul, amangmu, dohot tu kahanggina maradu angka donganna. Madung huurupi tuan i gabe nada ditaluhon si Daud. Hum songon i hapengani laing digorahon tuan i dope hum hara ni dadaboru sajo!

2 RAJA-RAJA 8:13

“Aha ma he astuan ni naposomon,” ning si Hasael mangalusi, “Sian dia ma adong kuasongku na songon i godang!” “Madung dipatuduhon Tuhan tu au na giot ho ma gabe raja ni Siria,” ning si Elisa mangalusi.

1 SAMUEL 26:20

Ulang ma antong padiar au hona bunu di tano na asing, dao sian Tuhan. Aha ma he gunana ro raja ni Israel laho mambunu au songon halak na mambunu manuk harangan di dolok-dolok?”