2 SAMUEL 9:6 - BIBEL JAMITA NA DENGGAN

⁶ Si Mefiboset do goar ni anak ni si Jonatan i. Di na ro ia, manungkap ma ia pasangap si Daud. Dipangkulingkon si Daud ma ia mandok, “Mefiboset,” jana dialusi ia ma, “Olo rajanami.”

2 SAMUEL 9:6 ပူးပေါင်းရင်းမြစ်များ

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

PAMUNGKAAN 33:3

Mardalan ma si Jakob di jolo ni halahi sude, di na mur mandonok ia mandapotkon angkangnia i, manungkap ma ia marsomba pitu noli.

2 SAMUEL 1:7

Dung i manaili ma ia tu pudi jana diida ia ma au, jana dipiohon ia ma au, jana hualusi ma, ‘Olo tuannami.’

2 SAMUEL 16:4

Dung i didok raja i ma tu si Ziba, “Gabe ho ma nampuna sude sinadongan ni si Mefiboset i.” “Hupatulus ma sude parenta ni raja i,” ning ia mangalusi. “Sai lomo ma nian tongtong roha ni raja i mida au!”

2 SAMUEL 21:7

Tapi hara ni na dung marsumpa be si Daud dohot si Jonatan, nada dipasahat si Daud be anggo si Mefiboset anak ni si Jonatan i.

2 SAMUEL 4:4

Adong do pahompu ni si Saul, i ma anak ni si Jonatan, na matimpang. Harana di na lalu barita taringot tu hamamate ni si Saul dohot si Jonatan sian kota Jisreel, diompa parorot i ma ia, jana marlojong tapi hara ni mopopna anakboru i, madabu ma dakdanak i jana gabe matimpang ma. Si Mefiboset do goar ni dakdanak i.

2 SAMUEL 9:5

Jadi disuru Raja Daud ma mamiohon anak ni si Jonatan i.

1 JUJUR TAON 8:34

Adong do anak ni si Jonatan na margoar si Meribaal, i ma amang ni si Mika.

1 JUJUR TAON 9:40

Adong do anak ni si Jonatan, goarna si Meribaal, i ma amang ni si Mika.

1 SAMUEL 20:41

Dung kehe dakdanak i, ruar ma si Daud sian balik ni batu na martimbun i, lalu manungkap ma ia tolu noli. Tangis ma ia, songon i muse dohot si Jonatan di na marsiummaan halahi. Gumodang dope arsak ni si Daud ulang pado si Jonatan.

1 SAMUEL 25:23

Dung diida si Abigail si Daud, manigor mijur ma ia sian halodenia i lalu manungkap