2 SAMUEL 9:3 - BIBEL JAMITA NA DENGGAN

³ Dung i disapai raja i ma, “Adong dope he jolma na mangolu sian bagas ni si Saul? Por rohangku mambaen na denggan tu halahi nian, songon na dung hujanjihon tu Debata.” Dialusi si Ziba ma, “Adong dope sahalak nari anak ni si Jonatan. Na matimpang do i.”

2 SAMUEL 9:3 ပူးပေါင်းရင်းမြစ်များ

2 SAMUEL 19:26

Dialusi ia ma, “Na marmulia, diboto raja i do na timpang au. Husuru do pangoloingku paradehon halode sitenggetonku laho mangihut tu raja i. Hape dihianati pangoloingki do au.

2 SAMUEL 19:27

Dipatubu-tubu ia muse dope hata na so tutu maradopkon au tu raja i. Tapi songon surusuruan ni Debata do raja i. Antong dibaen raja i ma sanga aha na denggan di roha ni raja i.

2 SAMUEL 4:4

Adong do pahompu ni si Saul, i ma anak ni si Jonatan, na matimpang. Harana di na lalu barita taringot tu hamamate ni si Saul dohot si Jonatan sian kota Jisreel, diompa parorot i ma ia, jana marlojong tapi hara ni mopopna anakboru i, madabu ma dakdanak i jana gabe matimpang ma. Si Mefiboset do goar ni dakdanak i.

2 SAMUEL 9:13

Songon i ma dalanna si Mefiboset na pengkor i patna na dua i gabe maringanan di Jerusalem jana sai tongtong ma ia mangan di bagas godang.

2 SAMUEL 9:7

Didok si Daud ma, “Ulang mabiar ho. Haburjuon do na giot baenonku tu ho marningot si Jonatan, amangmi. Hupaulak ma tu ho sude tano ni ompungmu si Saul, jana mangan di bagas godang noma ho torus.”

LUKAS 6:36

Gabe parasi roha ma hamu, laing songon Amangmunu na marasi roha i!”

PANGARATAION 10:15

Songon i ma godang ni holong ni roha ni Tuhan mida ompumunu, gabe hamu ma na nipiliNia jana nada bangso na asing jana lopus tu saonnari pe laing hamu do na tarpili gabe bangsoNia.

PANGARATAION 4:37

Hara ni na holong rohaNia di ompumunu, madung ditodo Ia hamu; mardongan godang ni kuasoNia, madung dioban Ia hamu ruar sian Mesir.