2 SAMUEL 9:10 - BIBEL JAMITA NA DENGGAN

¹⁰ Angkon karejohononmu dohot angka dakdanakmu do tano i baen di pangisi ni bagas ni si Saul tuanmi jana lehen ma pandapotan ni tanona i tu halahi laho manggohi haporluan ni balanjona. Tapi anggo si Mefiboset tongtong noma mangan di bagas godang.” (Adong do lima bolas halak anak ni si Ziba dohot dua pulu halak naposonia.)

2 SAMUEL 9:10 ပူးပေါင်းရင်းမြစ်များ

2 SAMUEL 16:3

Dung i disapai raja i ma tusia, “Di dia si Mefiboset pahompu ni tuanmi?” “Laing di Jerusalem do ia,” ning si Ziba mangalusi, “harana pos do rohania na giot paulahon ni halak Israel ma saonnari tusia harajaan ni si Saul, ompungnia i.”

2 SAMUEL 19:18

Diurupi halahi ma pangisi ni bagas ni raja i taripar jana dipatulus halahi ma sude hagiotna. Di na laho taripar raja i di batang aek i, manungkap ma si Simei di jolonia mandok,

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

2 SAMUEL 21:7

Tapi hara ni na dung marsumpa be si Daud dohot si Jonatan, nada dipasahat si Daud be anggo si Mefiboset anak ni si Jonatan i.

2 SAMUEL 9:7

Didok si Daud ma, “Ulang mabiar ho. Haburjuon do na giot baenonku tu ho marningot si Jonatan, amangmi. Hupaulak ma tu ho sude tano ni ompungmu si Saul, jana mangan di bagas godang noma ho torus.”

1 RAJA-RAJA 2:7

Tapi tu angka anak ni si Barsilai na sian Gilead i denggan baen tu halahi. Tolongi ma halahi markite-hite na mangalehen ngolu ni halahi, angke denggan do dibaen halahi tu au di na maporus au sian angkangmu si Absalom.”

2 RAJA-RAJA 25:29

Nada be mamake pakean ni halak na tarkurung ia. Jotjot do mangan ia di bagas godang jana dilehen do hepeng tu haporluan ni ngolunia.

LUKAS 14:15

Umbege hata i mangkuling ma sahalak sian na niontang i tu Jesus, “Martua ma halak na mangan di Harajaan Ni Debata!”