2 SAMUEL 8:6 - BIBEL JAMITA NA DENGGAN

⁶ Dung i dipajongjong si Daud ma angka parbandaran ni tentarania di luat ni halahi i jana gabe angka pangoloinia ma halahi na manggarar pajak tu si Daud. Sai dilehen Tuhan do hamonangan tu si Daud sanga na di dia pe ia marporang.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Dung diida angka raja na nikuasoan ni si Hadadeser na dung talu halahi, mangido mardame ma halahi jana tunduk tu halak Israel. Mamungka sian i nada puluk be halak Siria mangurupi halak Amon.

2 SAMUEL 23:14

Tinggal di Rura Refaim do halak Pilistin jana deba tentara i sian halahi mangingani Betlehem.

2 SAMUEL 3:18

Antong aha dope, saonnari ma hatihana di hamu. Ingot hamu ma, na dung marjanji do Tuhan tu si Daud bahaso si Daud do na giot pakeonNia laho paluahon bangsoNa Israel sian halak Pilistin dohot sian sude musuna na asing i.”

2 SAMUEL 5:10

Mur lolot, mur gogo do si Daud, angke diurupi Tuhan Debata Na Markuaso i do ia.

2 SAMUEL 7:9

Ma pola Hudongani ho sanga na tu dia pe ho kehe jana Hupangabis do sandok musumu di parporanganmu. Jana giot baenonKu ho tarbonggal situtu tudos tu angka pamimpin na gumodang di tano on.

2 SAMUEL 8:14

Dipajongjong ia ma angka parbandaran ni tentarania di sude tano Edom jana gabe pangoloinia ma angka halak Edom i. Sai dilehen Tuhan do hamonangan di si Daud sanga na di dia pe ia marporang.

2 SAMUEL 8:2

Laing ditaluhon si Daud muse ma halak Moab. Disuru ia halahi modom di tano i lalu dibunu ia ma dua halak ganop sian tolu halak. Jadi dung i gabe pangoloi ni si Daud ma halak Moab jana manggarar pajak tusia.

2 SAMUEL 8:7

Dirampas si Daud ma sude parince sere na nipake ni parangan ni si Hadadeser jana dioban ia tu Jerusalem.

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

2 RAJA-RAJA 1:1

Dung jumolo si Ahab raja ni Israel i, mangalo ma Luat Moab tu Israel.

2 RAJA-RAJA 14:28

Barita na asing taringot tu Raja Jerobeam II, taringot tu habetengonnia di angka parporangan bope sanga songon dia dibaen ia mangarampas Damaskus dohot Hamat di halak Israel, sudena i madung disuratkon di Buku Sejarah Ni Raja-raja Israel.

2 RAJA-RAJA 18:7

Hara ni i ma umbaen na sai diurupi Tuhan ia gabe manjadi sanga aha pe na nikarejohonnia. Mamberontak do ia tu raja Asur jana nada ra ia tunduk tusi.

2 RAJA-RAJA 3:4

Jadi adong do parmahanan ni biri-biri ni si Mesa raja ni Moab. Ganop taon, sai dilehen ia do anak ni biri-biri 100.000 dohot imbulu ni 100.000 biri-biri jantan songon pajakna tu raja ni Israel.

1 JUJUR TAON 18:13

Dipajongjong ia parbandaran ni militer di tano Edom sude, jadi gabe tunduk ma halak Edom tu Raja Daud. Sai monang do si Daud dibaen Tuhan sanga na di dia ia marporang.

2 JUJUR TAON 17:2

Dibaen ia ma angka tentara di sude kota na marbenteng di Juda, dohot di luat na di balian ni kota di Juda, maradu di angka kota na nibuat ni amangnia di Luat Efraim.

MASMUR 140:7

Ho do Debata, Tuhanku, sipaluangku na gogo, na dung mangondingi au di bagasan parporangan.

MASMUR 60:10

Ale Debata, situtu ni rohaMu do nada rap dohot hami? Nada he maju Ho rap dohot tentaranami i?

PODA 21:31

Haru pe dipasingkop kudo porang tu parporangan, laing Tuhan do na manontuhon hamonangan.

1 SAMUEL 13:3

Dung i ditaluhon si Jonatan ma tentara ni Pilistin i di Geba, jana tarbege ma i tu bangso Pilistin. Dung i disuru si Saul ma mamalu sarune di sandok luat laho marpio halak Ibrani anso ro marporang.

1 SAMUEL 14:1

Sanoli didok si Jonatan ma tu doli-doli sioban sinjatania, “Beta, kehe ma hita tu benteng ni Pilistin na di bariba an!” Hape nada mangido isin ia jolo sian amangnia i.

1 SAMUEL 14:15

Gurgar halak Pilistin dibaen barita i di parbandaran dohot na di padang-padang. Gabe mabiar ma sude rayat ni Pilistin dohot angka na di benteng maradu angka rombongan ni pangarampas; salang tano i antong humutur jana masa hagaoron godang.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”