2 SAMUEL 8:3 - BIBEL JAMITA NA DENGGAN

³ Dung i muse ditaluhon si Daud ma si Hadadeser anak ni si Rehob na mamarenta di Zoba, i ma sada harajaan di lambung ni Damaskus. Na topet do di ari i di pardalanan si Hadadeser laho pasuangkon kuasonia di luat na di soksok ni Batang aek Efrat.

2 SAMUEL 8:3 ပူးပေါင်းရင်းမြစ်များ

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

2 SAMUEL 10:15

Diida halak Siria ma na dung talu halahi dibaen halak Israel, jadi gabe dipiohon halahi ma sandok tentarana anso marlagut mangulahi.

2 SAMUEL 10:16

Dung i disuru pio Raja Hadadeser ma halak Siria na adong di Habincaran ni Batang aek Efrat. Jadi ro ma halahi tu Helam na niuluhon ni si Sobah, i ma panglima ni tentara ni si Hadadeser sian Zoba.

2 SAMUEL 10:19

Dung diida angka raja na nikuasoan ni si Hadadeser na dung talu halahi, mangido mardame ma halahi jana tunduk tu halak Israel. Mamungka sian i nada puluk be halak Siria mangurupi halak Amon.

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

2 SAMUEL 23:36

Si Jigal anak ni si Natan, na sian Zoba; si Bani, halak Gad.

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 JUJUR TAON 18:3

Dung i diserang si Daud muse ma si Hadadeser raja ni Zoba di lambung ni Luat Hamat na di tano Siria. Di pardalananna do hatiha i si Hadadeser laho pabidangkon kuasonia di luat na di lambung ni soksok ni Batang aek Efrat.

2 JUJUR TAON 8:3

Ditaluhon ia ma daerah Hamat dohot Zoba

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 72:8

Sian laut tu laut mur mabidang ma harajaanna sian Batang aek Efrat lalu tu ujung ni portibi.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

PANGARATAION 11:24

Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

1 SAMUEL 14:47

Dung gabe raja si Saul di Israel, sai marporang do ia sanga na di dia mangalo sude musu ni Israel, i ma halak Moab, halak Amon, dohot halak Edom, angka raja ni Zoba dohot halak Pilistin. Sanga na di dia ia marporang, sai monang do ia.