2 SAMUEL 8:16 - BIBEL JAMITA NA DENGGAN

¹⁶ Angka on ma parpangkat na gincat na niangkat ni si Daud: Si Joab anak ni si Zeruya; i ma gabe panglima ni tentara; si Josafat anak ni si Ahilud; i ma bendahara ni harajaan;

2 SAMUEL 8:16 ပူးပေါင်းရင်းမြစ်များ

2 SAMUEL 18:2

Dung i dipakehe ia ma halahi marporang di bagasan tolu rombongan; sarombongan be ma dipimpin si Joab, si Abisai anggi ni si Joab i dohot si Itai na sian Gat. Didok raja i ma tu tentarania i, “Au pe laing dohot do kehe rap dohot hamu.”

2 SAMUEL 19:13

Laing disuru raja i muse dope halahi mulak tu si Amasa songon on, “Nada he donganku ho? Mamungka saonnari rasmi ma ho huangkat gabe panglima ni tentarangku manggontihon si Joab. Sai dimatehon Debata au, muda nada hupatulus i!”

2 SAMUEL 2:13

Si Joab (si Seruya goar ni inangna) rap dohot parangan ni si Daud na deba nari, laing kehe tusi muse. Gabe marsiadopan ma halahi di ambar Gibeon. Si Abner dohot donganna juguk sabola on, si Joab dohot donganna di ipar na sada nari.

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

2 RAJA-RAJA 18:18

Dung i disuru halahi ma halak mamiohon Raja Hiskia. Jadi ro ma tolu halak pagawe ni Raja Hiskia, mandapotkon halahi, i ma si Elyakim anak ni si Hiskia kapala ni sirajai arta di bagas godang ni raja, si Sebna sekretaris ni negara, dohot si Joah anak ni si Asap bendahara ni negara.

2 RAJA-RAJA 18:37

Jadi disibakkon si Elyakim, si Sebna dohot si Joah ma pakean ni halahi hara ni marsakna. Jadi kehe ma halahi paboahonna tu raja i sanga aha na nidok ni parpangkat ni Asur i.