2 SAMUEL 8:15 - BIBEL JAMITA NA DENGGAN

¹⁵ Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

gabe didok si Absalom ma, “Sapanjang uhum, tigor do nian ho, tapi bia ma baenon, nada adong wakil ni raja i na laho manangihon parkaromu.”

2 SAMUEL 20:23

Angka on ma parpangkat na gincat na niangkat ni si Daud: Panglima ni sude tentara ni Israel: Si Joab. Kepala ni tentara pengawal ni si Daud (halak Kreti dohot Pleti): Si Benaya anak ni si Joyada.

2 SAMUEL 3:12

Dung i disuru si Abner ma utusan tu si Daud na topet di Hebron di hatiha i, palalu tona songon on, “Ise do na giot markuaso di tano on? Baen ma janjimu tu au, jadi urupanku ma tuan i anso mamihak tu tuan i sude bangso Israel.”

2 SAMUEL 5:5

Di Hebron pitu satonga taon honokna ia mamarenta Juda, jana di Jerusalem diparenta ia sudena Israel dohot Juda tolu pulu tolu taon honokna.

2 SAMUEL 8:14

Dipajongjong ia ma angka parbandaran ni tentarania di sude tano Edom jana gabe pangoloinia ma angka halak Edom i. Sai dilehen Tuhan do hamonangan di si Daud sanga na di dia pe ia marporang.

2 SAMUEL 8:16

Angka on ma parpangkat na gincat na niangkat ni si Daud: Si Joab anak ni si Zeruya; i ma gabe panglima ni tentara; si Josafat anak ni si Ahilud; i ma bendahara ni harajaan;

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

1 RAJA-RAJA 4:1

Si Salomo madung gabe raja di sude Israel.

1 JUJUR TAON 18:14

Songon i ma mamarenta si Daud di sude Israel jana dijagohon ia anso tigor dohot denggan dibaen tu rayatnia i.

MASMUR 119:121

Madung hubaen na denggan dohot na tigor, ulang ma pasahat au tu tangan ni alongku.

MASMUR 72:2

Anso nian diadili bangsoMi mangihutkon aturan, jana dibaen ia na tigor tu halak na nisosakan.

MASMUR 75:2

Didok Debata, “Di hatiha na Hutontuhon, giot manguhumi Au marhite hatigoran.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

AMOS 5:24

Dumenggan do usahohon hamu anso mardalan hatigoran songon aek, jana hajujuron songon batang aek na tongtong mardalan.

IBRANI 11:33

Hara ni haporsayaanna, ditaluhon halahi do angka harajaan. Na tigor do na nibaen ni halahi, gabe dijagit halahi ma na nijanjihon ni Debata. Dihuntam halahi do baba ni angka singa.

1 SAMUEL 14:47

Dung gabe raja si Saul di Israel, sai marporang do ia sanga na di dia mangalo sude musu ni Israel, i ma halak Moab, halak Amon, dohot halak Edom, angka raja ni Zoba dohot halak Pilistin. Sanga na di dia ia marporang, sai monang do ia.