2 SAMUEL 8:14 - BIBEL JAMITA NA DENGGAN

¹⁴ Dipajongjong ia ma angka parbandaran ni tentarania di sude tano Edom jana gabe pangoloinia ma angka halak Edom i. Sai dilehen Tuhan do hamonangan di si Daud sanga na di dia pe ia marporang.

2 SAMUEL 8:14 ပူးပေါင်းရင်းမြစ်များ

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

2 SAMUEL 5:10

Mur lolot, mur gogo do si Daud, angke diurupi Tuhan Debata Na Markuaso i do ia.

2 SAMUEL 7:9

Ma pola Hudongani ho sanga na tu dia pe ho kehe jana Hupangabis do sandok musumu di parporanganmu. Jana giot baenonKu ho tarbonggal situtu tudos tu angka pamimpin na gumodang di tano on.

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

2 SAMUEL 8:6

Dung i dipajongjong si Daud ma angka parbandaran ni tentarania di luat ni halahi i jana gabe angka pangoloinia ma halahi na manggarar pajak tu si Daud. Sai dilehen Tuhan do hamonangan tu si Daud sanga na di dia pe ia marporang.

1 RAJA-RAJA 11:15

Lolot dope taran so i, dung ditaluhon si Daud halak Edom, kehe ma si Joab panglima porang ni si Daud tu Edom laho manguburkon angka dongannia na mate. Onom bulan honokna tinggal ia di Edom rap dohot angka parangannia. Jadi di hatiha i, dibunu halahi ma sude halaklahi na disi,

1 RAJA-RAJA 22:47

Diagohon ia do sian harajaannia i sude halaklahi dohot dadaboru na so ture na mangoloi di angka langgatan ni gana-ganaan na laing tading sian tingki ni si Asa, amangna i.

1 RAJA-RAJA 22:48

Di hatiha i, topet do nada adong raja ni halak Edom, jadi hum kapala daerah do sahalak na mamarenta disi.

2 RAJA-RAJA 14:7

Di sada parporangan dibunu si Amasia do sampulu ribu parangan ni Edom di Rura Na Ancim, jana dibuat ia kota Sela jana digoari ia ma kota i gabe Jokteel. Lalu tu sadari on laing Jokteel do goar ni kota i.

2 RAJA-RAJA 18:7

Hara ni i ma umbaen na sai diurupi Tuhan ia gabe manjadi sanga aha pe na nikarejohonnia. Mamberontak do ia tu raja Asur jana nada ra ia tunduk tusi.

1 JUJUR TAON 18:13

Dipajongjong ia parbandaran ni militer di tano Edom sude, jadi gabe tunduk ma halak Edom tu Raja Daud. Sai monang do si Daud dibaen Tuhan sanga na di dia ia marporang.

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.