2 SAMUEL 8:11 - BIBEL JAMITA NA DENGGAN

¹¹ Dihaulkon Raja Daud ma angka silua i dohot deba sian barang na dirampas sian si Hadadeser i baen sipargunahonon di bagasan ibadat. Laing songon i ma dibaen ia angka barang perak dohot sere na nirampasnia sian angka bangso na nitaluhonnia.

2 SAMUEL 8:11 ပူးပေါင်းရင်းမြစ်များ

2 SAMUEL 8:10

Jadi disuru si Toi ma si Joram anaknia laho palaluhon tabe tu Raja Daud lalu pasahatkon hata horas-horas hara ni hamonangannia i, angke madung lolot do sai maralo si Toi dohot si Hadadeser. Dilehen si Joram ma di si Daud angka silua na sian sere, perak dohot tumbaga.

1 RAJA-RAJA 7:51

Dung sidung dipauli Raja Salomo Bagas Ni Debata disimpan ia ma di bagasan gudang na di bagas i sude perak, sere, dohot angka barang-barang na asing dope na dung dipasahat si Daud amangnia i tu Tuhan.

1 JUJUR TAON 18:11

Sudena silua i dihaulkon Raja Daud do tu Tuhan anso adong pakeon di na maribadat. Laing songon i do dibaen ia dohot tu barang-barang sere dohot perak na nirampasnia sian angka bangso na nitaluhonnia i, i ma bangso Edom, Moab, Amon, Pilistin dohot Amalek.

1 JUJUR TAON 29:2

Madung nian hupasingkop angka bahan tu bagas i intap ni gogongku. Madung hupasingkop sere, perak, tumbaga, bosi, hayu, angka batu sigodang arga dohot angka batu intan, angka batu na martompa marragam rupa baen parhiasan dohot batu marmar bahat sajo.

2 JUJUR TAON 5:1

Dung sidung dibangun Raja Salomo Bagas Ni Tuhan i, disimpan ia ma sude sere, perak dohot angka barang na asing na nihaulkon ni si Daud tu Tuhan di angka gudang na di Bagas Ni Tuhan i.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”