2 SAMUEL 7:9 - BIBEL JAMITA NA DENGGAN

⁹ Ma pola Hudongani ho sanga na tu dia pe ho kehe jana Hupangabis do sandok musumu di parporanganmu. Jana giot baenonKu ho tarbonggal situtu tudos tu angka pamimpin na gumodang di tano on.

2 SAMUEL 7:9 ပူးပေါင်းရင်းမြစ်များ

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

2 SAMUEL 22:1

Dung dipalua Tuhan si Daud sian si Saul dohot sian sude musunia na asing i, diendehon si Daud ma ende on di Tuhan:

2 SAMUEL 22:30

Mardongankon Ho puluk do au mandege panggaori, rap dohot Ho, hurumbakkon benteng ni musungki.

2 SAMUEL 22:43

Huropuk halahi lamot songon abu marhabangan, hulonca-lonca halahi songon bustak di dalan-dalan.

2 SAMUEL 23:1

Dipili jana dibaen Debata ni Israel do si Daud anak ni si Isai gabe raja dohot halak na godang. Laing dikarang ia do ende di halak Israel. On ma hata na parpudi didok si Daud.

2 SAMUEL 5:10

Mur lolot, mur gogo do si Daud, angke diurupi Tuhan Debata Na Markuaso i do ia.

2 SAMUEL 8:13

Mur tu bonggalna dope tehe goar ni si Daud di na mulak ia dung dimatehon ia salapan bolas ribu halak Edom di Rura Parsiraan.

2 SAMUEL 8:14

Dipajongjong ia ma angka parbandaran ni tentarania di sude tano Edom jana gabe pangoloinia ma angka halak Edom i. Sai dilehen Tuhan do hamonangan di si Daud sanga na di dia pe ia marporang.

2 SAMUEL 8:6

Dung i dipajongjong si Daud ma angka parbandaran ni tentarania di luat ni halahi i jana gabe angka pangoloinia ma halahi na manggarar pajak tu si Daud. Sai dilehen Tuhan do hamonangan tu si Daud sanga na di dia pe ia marporang.

1 JUJUR TAON 17:8

Madung Huurupi ho sanga na tu dia pe ho kehe jana sude musumu madung Hupatimpas dompak di parporanganmu. BaenonKu ma ho tarbonggal songon angka pamimpin na gumodang di tano on.

MASMUR 21:6

Sai didongani pasupasuMi do ia ro di salolotna. HaroroMu mambaen ia gok jop ni roha.

MASMUR 89:23

PasidungonKu ma sude musunia, Hubunu sanga ise na mangkosomi ia.

LUKAS 1:52

Dipaijur Ia angka raja sian juguhanna jana dipagincat Ia angka halak na bile.

JOSUA 6:27

Didongani Tuhan do si Josua, jana tarbonggal situtu ma goar ni si Josua di sandok luat i.

1 SAMUEL 18:14

Manjadi do sude karejonia, angke didongani Tuhan do ia.

1 SAMUEL 18:30

Ganop ro tentara ni Pilistin mamorangi, sai manjadi do si Daud ulang pado angka parangan ni si Saul na asing i. Jadi mur tarbonggal ma si Daud.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.

1 SAMUEL 31:6

Songon i ma parmate ni si Saul, anaknia na tolu i dohot sude anak buania dohot doli-doli i di na sadari i.

1 SAMUEL 5:10

Gabe ditaruhon ma Poti Parjanjian i tu Ekron, kota ni halak Pilistin na asing muse. Disi lalu Poti i disi, mangarar ma halak kota i, didok halahi, “Na giot mamunu hita sude do umbaen na dioban Poti Parjanjian ni Debata ni Israel i tusi.”