2 SAMUEL 7:26 - BIBEL JAMITA NA DENGGAN

²⁶ Mur tu huskusna ma goarMu, lopus gabe sai dokkonon ni halak ma sapanjangna, ‘Debata ni Israel do Tuhan Na Markuaso.’ Jadi baenonMu ma pomparanku marsundut-sundut gabe raja di bangso on.

2 SAMUEL 7:26 ပူးပေါင်းရင်းမြစ်များ

PAMUNGKAAN 17:18

Gabe disapai ia ma tu Debata, “Biasi lakna nada si Ismael na gabe panean di au?”

2 SAMUEL 7:25

“Jana saonnari ale Tuhan Debata, sai lomo ma rohaMu sapanjangna pahotkon janji na nidokMi salaho tu diringku sandiri dohot tu pomparanku, jana sai lomo ma rohaMu patuluskon sanga aha na nijanjihonMi.

1 RAJA-RAJA 18:36

Dung dapot hatihana laho manghaulkon haul andospotang, dipadonok si Elia ma tu langgatan i, martangiang ma ia. Didok ia ma, “Tuhan Debata na nisomba ni si Abraham, si Ishak dohot si Jakob! Patandahon ma saonnari bahaso Ho do na tutu Debata ni Israel, jana au ma naposoMu; dohot sasude na hubaen on na niparentahonMu do.

1 RAJA-RAJA 18:37

Alusi ma au Tuhan! Alusi ma au anso diboto rayat on bahaso Ho do Tuhan, jana Ho do na paubahon halahi mangulahi tu Ho.”

MASMUR 115:1

Nada hami ale Tuhan, nada hami, tapi hum Ho sajo do angkon dipuji, angke setia do Ho jana tongtong manghaholongi.

MASMUR 61:7

Sai mamarenta ia songon raja na nitodoMu ro di salolot ni lolotna. Ale Debata, linggomi ma ia marhite hasetiaanMu dohot holong ni rohaMu na so mantak i.

MASMUR 89:36

Martahan do habangsania salolot marsinondang mataniari, jana pomparannia sandiri manjuguki.

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,

JOHANNES 12:28

Pasangap ma goarMu da Amang!” Dung i tarbege ma sora sian langit na mandok, “Madung Hupasangap i tapi pasangaponKu dope i mangulahi.”