2 SAMUEL 7:25 - BIBEL JAMITA NA DENGGAN

²⁵ “Jana saonnari ale Tuhan Debata, sai lomo ma rohaMu sapanjangna pahotkon janji na nidokMi salaho tu diringku sandiri dohot tu pomparanku, jana sai lomo ma rohaMu patuluskon sanga aha na nijanjihonMi.

2 SAMUEL 7:25 ပူးပေါင်းရင်းမြစ်များ

PAMUNGKAAN 32:12

Ingot ma na dung marjanji Ho, paboa na aturonMu do sude denggan di au jana lehenonMu tu au bahat pomparan. Sahalak pe nada tarbaen mangetongsa hara ni bahatna songon horsik na di topi ni laut.”

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”

2 SAMUEL 7:26

Mur tu huskusna ma goarMu, lopus gabe sai dokkonon ni halak ma sapanjangna, ‘Debata ni Israel do Tuhan Na Markuaso.’ Jadi baenonMu ma pomparanku marsundut-sundut gabe raja di bangso on.

1 RAJA-RAJA 2:4

Muda dioloi ho Tuhan i, patulusonNia do janjiNia, i ma pomparanku gabe mamarenta di Israel, asal ma sude halahi sian sandok roha dohot ngolu ni halahi sai tongtong burju patulus angka parentaNia.”

MASMUR 119:38

Patogu ma janjiMu tu naposoMu, janji na nilehenMu tu halak na burju mangoloi Ho.

MASMUR 119:49

Ingot ma janjiMu tu au, naposoMon, janji na mangalehen arop ni roha di au on.

JEHESKIEL 36:37

Didok Tuhan Debata i ma, “Ale bangso Israel, Hupaloas ma hamu mangulahi mangido tolong tu Au; tambaanKu ma bahat ni bilanganmunu songon punguan ni biri-biri.

1 SAMUEL 1:23

Dialusi si Elkana ma, “Antong denggan, patulus ma sanga aha na denggan diida ho; di bagas ma ho lopus mantak managuk anakta i. Jana sai tulus ma janjimi dibaen Tuhan.” Jadi laing di bagas ma si Hanna tinggal lopus mantak managuk anaknia i.