2 SAMUEL 7:23 - BIBEL JAMITA NA DENGGAN

²³ Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”

1 JUJUR TAON 17:21

Jana di tano on sudena, nada adong sada bangso na songon bangso Israel. Hum sasada bangso Israel do bangso na nipaluaMu sian parhatobanan anso dibaen Ho gabe bangsoMu sandiri. Sandok pambaenanMu na godang dohot na pahomang roha i na nibaenMu di halahi, angka i ma mambaen tarbonggal situtu goarMu di sandok tano on. Dipalua Ho do bangsoMu sian Mesir jana dihusilkon Ho angka bangso na asing na mangambat-ambati bangsoMi.

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

MASMUR 106:22

angka pambaenan na godang di Tano Ham, angka pangalaho hahomangan di Laut Rara.

MASMUR 111:9

Dipalua Tuhan na badia jana na marsahala i bangsoNa, jana dibaen Ia parjanjian na hot dohot halahi sudena.

MASMUR 145:6

Pajojoron ni halahi ma karejoMu na godang i, giot jamitahononku ma hagodanganMi.

MASMUR 147:20

Anggo tu angka bangso na asing nada dibaen Ia songon i, nada ditanda halahi angka uhumNia i. Puji ma Tuhan!

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

MASMUR 65:5

Dialusi Ho do hami marhite na mangalehen hamonangan di hami na sian karejoMu na godang i, ale Debata, haluaannami! Ho do da arop ni roha ni angka bangso sanga na di dia pe i di tano on.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HARURUAR 9:15

Sugari ra Au manguhumi ho dohot rayatmi markite nyae pasti gabe marmatean hamu sude.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JEREMIA 32:20

Narobi dibaen Ho do angka tanda dohot hahomangan di Mesir, jana torus dibaen Ho songon i lopus tu sadari on di tonga-tonga ni bangso Israel dohot di tonga-tonga ni angka bangso, gabe tarbonggal goarMu di sude inganan.

JEREMIA 32:21

Marhite kuaso dohot hagogoanMu na godang i diparuar Ho halak Israel sian Mesir. Dipatupa Ho do angka tanda dohot hahomangan maradu angka pangalaho na masa na mambaen musu tarsonggot.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

BILANGAN 6:27

Dung i didok Tuhan, “Muda didok halahi goarKu mamasumasu bangso Israel pasupasuonKu ma halahi.”

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.