2 SAMUEL 7:22 - BIBEL JAMITA NA DENGGAN

²² Na godang situtu do Ho antong, ale Tuhan Debata. Nada adong tudosanMu, jana sian najolo do hami boto, hum sasada Ho do Debata.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

Harana, ise ma he Debata asing ni Tuhan? Asing ni Debata, ise dope di hita parondingan?

1 RAJA-RAJA 8:23

lalu martangiang, “Ale Tuhan Debata ni Israel, di langit dohot di tano on, nada adong debata na songon Ho. Dipatulus Ho do janjiMu jana dipatidahon Ho do holongMu tu sude bangsoMu na sai burju jana mangoloi tu Ho sian nasa rohana.

1 JUJUR TAON 16:25

Sipuji-pujion do hagodangan ni Tuhan. Manyalpui sude debata patut do nisangap Tuhan.

2 JUJUR TAON 2:5

Angkon luar biasa do Bagas Ni Tuhan na giot bangunonki, dibaen gumodang do antong Debatanami i sian sasude sombaon sanga dia pe.

MASMUR 135:5

Huboto do tangkas, na santak godang do Tuhanta diatasi Ia do sandok debata.

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

MASMUR 48:1

Na godang do Tuhan jana na tarpuji situtu di Kota Ni Debatanta, di dolokNia na badia.

MASMUR 86:10

Dibaen na sangap do Ho, hahomangan do karejoMu, hum Ho do Debata.

MASMUR 86:8

Ale Tuhan, nada adong debata na songon Ho, nada adong pambaenanna na tudos tu Ho.

MASMUR 89:6

Di langit ni langitan nada adong na tudos dohot Ho, Tuhan, nada adong pardibanua ginjang na sarupa dohot Tuhan.

MASMUR 89:8

Ale Tuhan, Debata Na Markuaso, ise dehe songon Ho? Na gogo do Ho ale Tuhan, jana hasetiaanMu adong di humaliangMu.

MASMUR 96:4

Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 8:10

Dialusi raja i ma, “Tangiangkon ma au ancogot.” Ninna si Musa ma, “Baenonku ma songon na nipangido ni raja i anso diboto raja i, nada adong Debata na asing na songon Tuhan, Debatanami i.

HARURUAR 8:6

Dung i dipahortang si Harun ma tungkotnia di ginjang ni sude aek i, gabe marroan ma angka tohuk manggohi luat i.

HARURUAR 9:14

Anggo on, nada hum menterimu dohot rayatmu na giot uhumonKu, tapi ho sandiri pe angkon hona, anso diboto hamu na so adong na dos dohot Au di portibi on.

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JESAYA 40:25

Dohot ise ma he patudosonmunu Au, ise ma he tudosanKu?

JESAYA 45:18

Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 45:5

Au do Tuhan, nada adong na asing, sasada Au do Debata. Madung Huparsinjatai ho, haru pe goarKu laing so diboto ho.

JEHESKIEL 36:22

Jadi hara ni i, palalu ma sanga aha na Hudok, Au Tuhan Debata mandok tu halak Israel, ‘Sanga aha na giot baenonKu sanoli on, nada hara ni hamu, ale angka halak Israel, tapi hara ni goarKu na badia i do, na nipahodarmu sanga na tu dia pe hamu kehe.

JEHESKIEL 36:32

Ingot ma ale Israel, Hubaen pe sasudena i nada hara ni hamu. Angkon ila ma nian rohamunu jana bile pangkilalaanmunu patunda ni pangalahomunu i. Au Tuhan Debata madung mandok songon i.’ ”

DANIEL 2:45

Nada he diida raja i do sada batu na magulang sian dolok-dolok i haru pe nada adong halak na mandabuhonsa, lalu manondong dohot mangaropuk patung na sian bosi, tumbaga, tano liat, perak dohot sere i? Didok Debata na sun godang i do tu raja i sanga aha muse na giot masa tu pudi on. Madung hupaboa nipi ni raja i na satutuna jana hupatorang astuanna na sasintongna.”

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

PANGARATAION 3:24

‘O Tuhan Na Gumincat, huboto do anggo na nipatuduhonMon tu au hum songon pamungkaan ni angka pambaenanMu na godang jana hahomangan do. Nada adong debata na asing di langit bope di tano on na margogo mambaen angka pangalaho na godang songon Ho.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

PANGARATAION 4:35

Dipatuduhon Tuhan do sudena i tu hamu laho patorangkon na sasada Ia do Debata, jana nada adong be na asing.

PANGARATAION 4:39

Antong sadari on, ingot jana na so tola lupa hamu: Debata di langit dohot di ginjang ni tano on do Tuhan. Nada adong debata na asing be.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.