2 SAMUEL 7:2 - BIBEL JAMITA NA DENGGAN

² Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

2 SAMUEL 7:2 ပူးပေါင်းရင်းမြစ်များ

2 SAMUEL 11:11

Dialusi si Uria ma, “Marporang dope tentara ni Israel dohot Juda, jana didongani Poti Parjanjian ni Tuhan do halahi; si Joab panglimanami i dohot angka dongannia na marpangkat-pangkat marbandar di padang-padang i do. Patut ma he songon au mulak tu bagas jana mangan, minum lalu modom dohot dadaboruniba? Hara ni hosa ni raja i dohot hosaniba, nada giot baenonku na songon i!”

2 SAMUEL 12:1

Dung i disuru Tuhan ma Panurirang Natan tu si Daud. Didapotkon si Natan ma ia jana didok ma, “Adong ma dua halak na maringanan di sada kota; na sada halak na kayo, na sada nari na pogos.

2 SAMUEL 5:11

Ditongos Raja Hiram na sian Tirus do utusan parboniagaon tu si Daud. Dipasingkop si Hiram do di si Daud hayu sampinur Libanon rap dohot angka tukang hayu dohot angka tukang batu laho pajongjong bagas godang.

2 SAMUEL 6:17

Dioban ma Poti Parjanjian i masuk jana dipayakkon ma di ingananna di bagasan bandar na dung dipajongjong si Daud inganan ni Poti i. Dung i dihaulkon si Daud ma tu Tuhan haul na nitutung dohot haul haluaan.

2 SAMUEL 7:17

Dipaboa si Natan ma tu si Daud sude na nipatorang ni Debata i tusia.

1 RAJA-RAJA 1:22

Dompak mangkobari dope si Batseba, lalu ma si Natan tusi.

1 RAJA-RAJA 1:8

Tapi anggo Malim Zadok, si Benaya anak ni si Joyada, Panurirang Natan, si Simei, si Rei bope pangawal ni Raja Daud nada ra manyabola tu si Adonia.

1 RAJA-RAJA 8:17

Dung i didok si Salomo ma mangulahi, “Madung ditahi roha ni damang si Daud, giot pajongjong bagas parsombaan di Tuhan Debata ni Israel.

1 JUJUR TAON 14:1

Disuru Raja Hiram na sian Tirus ma suruanna laho manghatahon soal boniaga tu si Daud rap dohot angka tukang batu dohot tukang hayu dohot sampinur Libanon laho pajongjongkon bagas godang.

1 JUJUR TAON 16:1

Dioban ma Poti Parjanjian i masuk tu bandar na niparade ni si Daud hian. Marhaul ma halahi tu Debata pasahatkon haul situtungon dohot haul pardamean.

1 JUJUR TAON 22:7

Didok si Daud ma tu si Salomo, “Amang, madung honok adong nietku laho pajongjong sada bagas laho pasangapkon Tuhan Debatangku.

1 JUJUR TAON 29:29

Taringot tu riwayat ni ngolu ni Raja Daud sian mulana lopus tu ujungna madung disuratkon i di Buku Sejarah Ni Panurirang Samuel, Panurirang Natan dohot Panurirang Gad.

2 JUJUR TAON 1:4

Tapi anggo Poti Parjanjian ni Tuhan i, di Jerusalem do di bagasan bandar na nibaen ni Raja Daud di na nipaimbarnia Poti i sian Kiryat-Jearim.)

2 JUJUR TAON 29:25

Hombar tu panogu-noguon na nilehen ni Tuhan tu si Daud marhite si Gad, panurirangNia dohot Panurirang Natan, dibaen raja i ma halak Levi di Bagas Ni Debata laho mamiltik hasapi dohot gambus,

2 JUJUR TAON 9:29

Barita na asing salaho tu si Salomo sian mulana lopus tu ujung madung disuratkon i di bagasan Buku Sejarah Ni Panurirang Natan dohot di bagasan Buku Ramalan Ni si Ahia halak Silo i dohot di bagasan Buku Halumbaan Ni Panurirang Ido, na marisi muse barita ni pamarenta ni si Jerobeam raja ni Israel.

MASMUR 132:2

Ulang halupahon janjinia, ale Debata ni si Jakob, haulnia na tu Ho, Tuhan Na Gumogo.

MASMUR 132:5

anggo so jolo hupasingkop bagas ni Debata ni si Jakob, inganan parmianan di Tuhan Na Gumogo i.”

HARURUAR 40:21

Lalu dipamasuk ma Poti i di bagasan Bandar Parmianan, dung i digantungkon ma tire pangondingina di jolo. Songon i ma pangholipi ni Poti Parjanjian i dibaen.

HAGAI 1:4

“Ale bangsongKu biasi maringanan di bagasan bagas na tohong jana togu hamu, hape bagasKu sandiri laing tinggal sego-segona?”

JOHANNES 2:17

Dung i tarsingot ma tu roha ni angka siseanNia i ayat na di Buku Na Badia i songon on, “Holong ni roha maradopkon BagasMu, sai marsigorgor do songon api na mambaen mosok!”

BAENON NI ANGKA RASUL 7:46

Jop do roha ni Debata dibaen si Daud. Dipangidohon ia do tu Tuhan anso dipatola ia pajongjongkon sada bagas di Debata ni si Jakob.