2 SAMUEL 7:19 - BIBEL JAMITA NA DENGGAN

¹⁹ Lobi sian i dope tehe dipatupa Ho, ale Tuhan Na Gumincat; madung dipajojor Ho muse dope janji taringot tu pomparanku di hatiha na giot ro. Jana dipatidahon Ho do i tu au haru pe hum jolma sajo au ale Tuhan Na Gumincat!

2 SAMUEL 7:19 ပူးပေါင်းရင်းမြစ်များ

2 SAMUEL 12:8

Madung Hulehen di ho harajaan dohot angka dadaboru ni si Saul, jana Hubaen dope ho gabe raja di Israel dohot Juda. Sugari nian muda laing na hurang dope i, laing pasti do lehenonKu muse di ho sabahat ni i.

2 RAJA-RAJA 3:18

Didok si Elisa ma muse, “Tapi anggo na songon i, parkaro na menek dope i di Tuhan. LehenonNia do hamonangan di hamu maralohon halak Moab.

1 JUJUR TAON 17:17

Lobi sian i dope tehe dibaen Ho; dibaen Ho muse dope janji taringot tu pomparanku di hatiha na giot ro. Dibaen Ho muse do au songon sada halak na godang.

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

JEHESKIEL 34:18

Adong do sian tonga-tongamunu na so dabu rohana muda hum mangabiskon jampalan na jumeges, tapi dohot do muse mandegei ruput na so giot panganon ni halahi! Diinum halahi aek na lan, dung i dihorui halahi aek na so giot inumon ni halahi be!

BILANGAN 16:13

Madung tuk ho maroban hami haruar sian Mesir na napu i laho mamunu hami di parhorsihan on. Saonnari ho muse dope markuaso tu hami?

BILANGAN 16:9

Ninna rohamunu pangalaho na menek dehe na dung dipili Debata ni Israel hamu sian halak Israel na asing i, anso tarbaen hamu donok tuSia laho markarejo di Bandar ParmiananNia, jana markarejo di halak Israel laho mangoloi halahi?

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

JOSUA 5:14

“Nada dongan, jana nada alo,” ning bayo i mangalusi. “Panglima ni tentara ni Tuhan do au dison.” Manungkap ma si Josua, marsomba jana didok ia ma, “Aha do na giot dohonon ni Tuanku di naposomon?”