Tapi nada sude harajaan i rampasonKu sian ia. Angke hara ni naposongKu si Daud, dohot hara ni Jerusalem na Hubaen gabe Hutangki, Hutadingkon ma samarga di anakmi.”
Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.
Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.
Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”
Tapi dialusi si Samuel ma, “Nada ra au rap mulak dohot ho be. Na dung manggagai do raja i tu parenta ni Tuhan, jana Ia pe na dung ditulakNia do raja i songon raja ni Israel.”
Dung lalu disi, ditanggali ia pakeannia jana manortor ma ia dohot marsurak-surak di jolo ni si Samuel, lopus tinggang tu tano marsaemara sadari i lopus bornginna i. (On ma mula ni pandohan, “Na gabe panurirang dehe dohot si Saul?”)