2 SAMUEL 7:13 - BIBEL JAMITA NA DENGGAN

¹³ Ia do na giot pajongjong bagas di Au, jana pahotonKu harajaannia sapanjangna.

2 SAMUEL 7:13 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

2 SAMUEL 22:51

Mulahulak dilehen Debata hamonangan na marlobian tu raja. Manongtong do holong ni rohaNa tu raja na nipiliNia, tu si Daud maradu pomparanna sapanjangna.

2 SAMUEL 7:16

Angkon tongtong do adong pomparanmu, jana baenonKu harajaanmu martahan salolot-lolotna. Na so ra marujung do harajaanmu?’ ”

2 SAMUEL 7:27

O Tuhan Na Markuaso! Puluk pe au pasahatkon tangiang on tu adopanmu, hara ni na dung dipatidahon Ho do sude pangalaho i tu au naposoMon, jana dipabotohon Ho tu au na niparmahanMu pomparanku lopus nada adong na mago.

1 RAJA-RAJA 2:24

Madung dipahot Tuhan i juguhanku di habangsa ni damang si Daud. Madung dipatulus Tuhan i janjiNia jana dilehen harajaan on di au dohot tu pomparanku. Husumpahon ma hara ni Tuhan na mangolu i, angkon laing sadari on mate si Adonia!”

1 RAJA-RAJA 2:4

Muda dioloi ho Tuhan i, patulusonNia do janjiNia, i ma pomparanku gabe mamarenta di Israel, asal ma sude halahi sian sandok roha dohot ngolu ni halahi sai tongtong burju patulus angka parentaNia.”

1 RAJA-RAJA 2:45

tapi pasupasuonNa do au jana harajaan ni damang pahotonNa ro di salolot-lolotna.”

1 RAJA-RAJA 5:5

Madung dijanjihon Tuhan tu damang si Daud, ‘Anakmu na giot angkatonKi gabe raja gontimu, i do na giot pajongjong bagas paribadatan di Au.’ Hara ni i, Raja Hiram na niparsangapan, au si Salomo, madung huputuskon laho pajongjong bagas i.

1 RAJA-RAJA 6:12

“Muda burju ho patulus uhum dohot parentangKu, baenonKu do tu ho sanga aha na dung Hujanjihon tu amangmu si Daud.

1 RAJA-RAJA 8:13

Dison hupajongjong di Ho tarsongon bagas godang baen inganan ma i di Ho sapanjangna.”

1 RAJA-RAJA 8:15

Didokkon si Salomo ma, “Nahinan madung marjanji Ho Tuhan tu damang si Daud songon on, ‘Sian dung Huoban bangsongKu ruar sian Mesir, di sude luat ni Israel, nada adong sada pe kota na Hupili na gabe inganan na angkon disi pajongjongon bagas parsombaan tu Au. Tapi ho ale Daud, madung Hupili ho laho mamarenta bangsongKu.’ Pinuji ma Tuhan Debata ni Israel na dung patulus janjiNa i!”

1 RAJA-RAJA 8:19

Tapi nada ho, angkon anakmu do na pajongjong bagasKi.’ ”

2 RAJA-RAJA 21:4

Madung didok Tuhan, Bagas Ni Debata do inganan paribadatan tuSia, hape disi muse noma dipajongjong ia angka langgatan laho manyomba angka debata.

2 RAJA-RAJA 21:7

Dibaen ia do gambar ni Dewi Asera di Bagas Ni Debata, hape nian anggo inganan i madung didok Tuhan tu si Daud dohot si Salomo anak ni si Daud i, “Di bagasan bagasKu na di Jerusalem on, na dung Hutodo sian luat na dua bolas sian angka marga ni Israel, angkon dison ma bangsongKu maribadat tu Au.

2 RAJA-RAJA 8:19

Tapi nada ra Tuhan mambaen marmara Juda hara ni na dung dijanjihonNia humani tu si Daud naposoNia i, na manongtong do anggo pomparannia gabe raja.

1 JUJUR TAON 28:10

Angkon botoonmu do na dung ditodo Tuhan ho laho pajongjongkon bagas na gabe hapunjungan ni Tuhan. Antong, saonnari situtui ma laho patuluskon i.”

2 JUJUR TAON 33:4

Madung didok Tuhan hian anggo Jerusalem, i ma inganan paribadatan tuSia salolot-lolotna, hape dipajongjong si Manase do di Bagas Ni Tuhan angka langgatan di angka debata.

2 JUJUR TAON 6:16

Laing dijanjihon Ho muse do tu damang, muda tutu do antong setia pomparannia mangoloi uhumMu laing songon ia i, gabe sai adong ma sada nian pomparannia na gabe raja di Israel. Saonnari ale Tuhan, Debata ni Israel, pangidoanku anso nian laing patulusonMu muse sudena na nijanjihonMu tu damang si Daud i.”

JOB 36:7

Diondihon Ia do anggo halak na tigor, markuaso halahi dibaen Ia songon raja, lopus dapotan sangap halahi salolot-lolotna.

MASMUR 72:17

Sai taringot ma di roha sapanjangna goarnia, manahan ma habonggalonna salolot adong mataniari. Sai dihalungunkon angka jolma ma nian dipasupasu songon ia, dohot sude bangso mandok ‘na martua ma da ia’.

MASMUR 89:21

Sai tongtong do ia ondihonon ni hagogoonKu sai pargogoan ni kuasongKu do ia.

MASMUR 89:29

Salolot adong langit di ginjang tano martahan do habangsania, jana pomparanna sandiri manjuguhisa.

MASMUR 89:4

‘Habangsamu hot do dijuguhi pomparanmu sandiri.’ ”

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEREMIA 33:17

Au Tuhan, marjanji do Au paboa na tongtong adong sada raja di Israel sian pomparan ni si Daud;

JEHESKIEL 37:25

Maringanan ma halahi di tano na dung Hulehen tu naposongKu si Jakob jana na niinganan ni ompu ni halahi, olo, halahi; angka anak ni halahi bope pahompu ni halahi angkon tinggal disi salolot ni lolotna jana naposongKu si Daud ma raja ni halahi salolot ni lolotna.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

ZAKARIA 6:13

Ia ma da halakna na giot mambangun Bagas Ni Tuhan jana na manjagit hasangapan songon sada raja, jana mamarenta ma ia tu rayatnia i. Adong ma sada malim na gabe dongan pangalambunginia jana denggan do halahi rap saparkarejoan jana di bagasan dame.’

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

IBRANI 3:3

Tapi patutna do Jesus maruli hasangapan na gumodang ulang si Musa. Harana angkon laing sumangap do halak na malo pajongjongkon bagas ulang bagas na nipajongjongnia i sandiri.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.