2 SAMUEL 7:11 - BIBEL JAMITA NA DENGGAN

¹¹ Mamungka sian haroro ni halahi na jolo tu tano on jana Huangkat angka pamimpin di halahi, na dung ro do angka halak na sai mangasahon gogo mamorangi halahi, tapi nada ro be na masa sisongon i. Hujanjihon ma tu ho sian sude musumu, jana lehenonKu do pomparan di ho.

2 SAMUEL 7:11 ပူးပေါင်းရင်းမြစ်များ

2 SAMUEL 7:1

Sai dijagohon Tuhan do si Daud sian pangganggui ni musuna jadi gabe tarbaen ia do tongtong tinggal di bagas godangnia i.

2 SAMUEL 7:19

Lobi sian i dope tehe dipatupa Ho, ale Tuhan Na Gumincat; madung dipajojor Ho muse dope janji taringot tu pomparanku di hatiha na giot ro. Jana dipatidahon Ho do i tu au haru pe hum jolma sajo au ale Tuhan Na Gumincat!

2 SAMUEL 7:27

O Tuhan Na Markuaso! Puluk pe au pasahatkon tangiang on tu adopanmu, hara ni na dung dipatidahon Ho do sude pangalaho i tu au naposoMon, jana dipabotohon Ho tu au na niparmahanMu pomparanku lopus nada adong na mago.

1 RAJA-RAJA 11:38

Muda laing songon naposongKu si Daud i do ho mangoloi tu Au sian sude rohamu jana ngolumu marguru tu angka uhumKu, jana pasonangonmu rohangKu markite-hite na patuluskon sandok na Huparentahon tu ho, sai na donganKu do ho sanga andigan. JaminonKu ma, pomparanmu do na gabe raja ni Israel manggontihon ho, laing songon na Hubaen tu si Daud.

1 RAJA-RAJA 2:24

Madung dipahot Tuhan i juguhanku di habangsa ni damang si Daud. Madung dipatulus Tuhan i janjiNia jana dilehen harajaan on di au dohot tu pomparanku. Husumpahon ma hara ni Tuhan na mangolu i, angkon laing sadari on mate si Adonia!”

1 JUJUR TAON 22:10

Anakmi noma na giot pajongjongkon bagas di Au. Gabe anakKu ma ia jana gabe Amangnia ma Au. Hot do harajaan ni Israel di pomparannia sapanjangna.’ ”

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

MASMUR 106:42

Jadi disosak musu i ma halahi, jana ditaluhon di toru ni kuasona.

MASMUR 127:1

Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

PODA 14:1

Dadaboru na marroha mambangun rumahtanggana, tapi dirumpakkon haotoonna.

IBRANI 11:33

Hara ni haporsayaanna, ditaluhon halahi do angka harajaan. Na tigor do na nibaen ni halahi, gabe dijagit halahi ma na nijanjihon ni Debata. Dihuntam halahi do baba ni angka singa.

1 SAMUEL 2:35

Dung i todoonKu ma malim na burju tu Au dohot na patuluskon sanga aha na Huparentahon tusia. Sai torus ma markarejo pomparannia songon malim di adopan ni angka raja na Hutodo.

1 SAMUEL 25:28

Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.