2 SAMUEL 7:10 - BIBEL JAMITA NA DENGGAN

¹⁰ Boti muse, madung Huparade inganan di bangsongKu Israel jana Husuru halahi maringanan na hot disi, anso tarbaen halahi mangolu di bagasan sonang, nada adong na tarhapit.

2 SAMUEL 7:10 ပူးပေါင်းရင်းမြစ်များ

2 RAJA-RAJA 21:8

Jana muda dioloi bangso Israel sude parentangKu jana diihutkon halahi angka tona na nipasahat ni si Musa naposongKi tu halahi, gabe nada padiaronKu halahi dipaorot sian luat na dung Hulehen tu ompu ni halahi.”

1 JUJUR TAON 17:9

Boti muse, na dung Hupasingkop do di bangsongKu Israel inganan bona bulu ni halahi anso tarbaen halahi mangolu di bagasan sonang nada adong be gangguan. Mamungka ro halahi tu luat on najolo dohot di na Hubaen angka pamimpin di halahi, na dung ro do halak na sai pajolo gogo mangganggu halahi, tapi nada masa be sisongon i. Marjanji ma Au laho manaluhon sude musumu, jana lehenonKu ma hagabean anso adong pomparanmu.

2 JUJUR TAON 33:8

Muda burju do bangso Israel mangoloi sude parentangKu jana diihutkon angka uhum na nilehen ni si Musa naposongKu tu halahi, jadi gabe nada padiaronKu halahi paoroton sian tano na dung Hulehen i tu angka ompu ni halahi.”

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 44:4

Ho do Debatangku dohot Rajangku, na mangalehen hamonangan di si Jakob.

MASMUR 80:8

Songon bona ni anggur do bangsoMu, na nipaimbarMu sian Mesir. Dipaorot Ho angka bangso na asing gabe disuan Ho anggur i di tano ni halahi.

MASMUR 80:9

Dipasingkop Ho do tano, inganan hatubuan ni bonana i. Gabe bagas ma ia marurat jana manjarampak tu sude luat.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 15:17

Ho do pataruhon halahi masuk, jana pahotkon halahi di ginjang ni dolokMu, inganan na nitodoMu gabe inganan parmiananMu; bagas na nipajongjongMu.

JESAYA 5:2

Dipangkur ia tanona i, jana diambungkon ia angka batuna. Disuan ia anggur pilian, dipajongjong ia palas-palas inganan ni panjagona. Dihali ia sada lubang, pamoroan ni anggurna, lalu dipaintesa malamun parbatuna, hape na ancom do dapotsa.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JEREMIA 18:9

Alo ni i muse, muda Huputuskon laho pajongjongkon sanga patoguhon sada-sada bangso sanga harajaan,

JEREMIA 24:6

JagohononKu do halahi jana obanonKu mangulahi tu luat on. BangunonKu do halahi, nada rumpakononKu; na manyuan do Au, nada mangumpat halahi.

JEHESKIEL 28:24

Didok Tuhan ma: “Angka negara hombar balok na dung jungada mangalayasi Israel, nada be songon runja dohot duri na mambaen hancitan Israel. Botoon ni halahi ma bahaso Au do Tuhan Debata.”

HOSEA 2:18

BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.

AMOS 9:15

BaenonKu ma bangsongKi maringanan di tano na Hulehen di halahi. Nada paoroton be halahi sian i. Au Tuhan Debata ni halahi, madung mandok songon i.”

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HAKIM-HAKIM 4:3

Adong do sambilan ratus kareta porang na sian bosi di si Jabin. Dua pulu taon honokna ia manjajah halak Israel, i noma kejamna. Dung i pio-pio ma halahi mangido tolong tu Tuhan.

1 SAMUEL 13:17

Laing di hatiha i kehe ma tolu rombongan halak Pilistin pangarampas sian parbandaran ni Pilistin i laho mangaroro marporang; sada rombongan kehe tu Ofra di Luat Sual,