2 SAMUEL 6:21 - BIBEL JAMITA NA DENGGAN

²¹ Dialusi si Daud ma, “Manortor pe au na laho pasangapkon Tuhan do, i ma na dung manulak amanta ho maradu koum sisolkotna lalu mamili au gabe pamimpin ni Israel, bangsoNa i. Jadi hara ni i angkon torus do au manortor laho pasangapkon Tuhan i.

2 SAMUEL 6:21 ပူးပေါင်းရင်းမြစ်များ

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

2 SAMUEL 6:16

Dompak na maroban Poti i masuk ma tu bagasan kota i, manungkir ma si Mikal boru ni si Saul i sian jandela, diida ia ma Raja Daud marhujingjang dohot manortori laho pasangapkon Tuhan, jana gigi ma roha ni si Mikal mida si Daud.

2 SAMUEL 6:22

Lobi sian i pe bilena dibaen tu au nada pola. Giotmu ma laho palayaskon au, tapi angka dadaboru na nidokmi, argahononna do au!”

2 SAMUEL 6:5

Si Daud dohot halak Israel i sude mardalan di jolo ni Poti i manortori lalu marendei sagogo-gogona laho pasangapkon Tuhan. Marhasapi, margondang, marnungneng dohot marhesek-hesek.

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 JUJUR TAON 15:29

Di na laho masuk Poti i dioban tu kota i, ditungkir si Mikal boru ni si Saul ma sian jandela jana diida ia ma Raja Daud manortori marhujingjang hara ni jop ni rohana, gabe goyak ma roha ni si Mikal mida si Daud.

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

1 SAMUEL 13:14

Hape anggo saonnari nada martahan raja i mamarenta. Dibaen nada diihutkon raja i parenta ni Tuhan, gabe dipili Tuhan ma halak giot ni rohaNa sibaenon raja di bangsoNia.”

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 16:12

Jadi disuru pio si Isai ma anakna i. Hapengani sada doli-doli na jogi do ia jana na togar, boti matana jeges. Dung i didok Tuhan ma tu si Samuel, “On ma ibana, miahi ma!”